Medya Uren 

 

MÊRDÎN - Emsar bi ruhê serrê 1992yan Newroze ame pîrozkerdene. Hemverê tehdîd, hêrişê ke demê peyîn de serê îradeyê şarî de yenê kerdene, meydanê Newroze bî meydanê serewedaritişî. Bi hezaran ciwanî bi sloganê, “Biciwîyo Serek Apo” herikyayî meydanan.

 

Dimayê demêk derg Nisêbîn de coşêke pîl ê Newroze virazya. Bi hezaran welatijî meydan pir kerdî. Bi reng û coşê xo bî xemla Newroze. Sloganê înan sînorê meydanî derbaz kerd û heme Nisêbîn de gêrayîne. Pêwa astengîyan bi yew vengî û bi hêz sloganê sey, “Biciwîyo Serek Apo” , “Îmraliyî rê hezar silamî", “HDP şar o şar tîya yo” ameyîne berzkerdene.

 

Partîya Demokratîke ya Şaran (HDP) bi wesîleyê roşanê Newroze 21ê Adare de Nisêbîn û Qoser de pîrozbayî hema sereyê menga adare de amadekarî ameybî destpêkerdene. Her roje rêxistinê HDPyî mîyanê şarî de geyrayî û înan dawetê Newroze kerdî. Coka roja amedekarîyê hetê roja Newroze girseyî polîsan astengî vetî. Bi taybetî zî semedê adiro ke bi şewe ameyîne tavistiş, ceza ciwanan rê ameyîne birnayene. Pêwa pêro astengîyan û tehdîdan meydan pir bi  bernameyêke pir ame viraştene.

 

Nisêbîn û Qoser bî cewabêko pîl

 

Bi meşaleyê serewedaritişî ke sey mîrasê Kawayê Hesinkarî şarê kurdî rê mendo ewro bi layîqî meydanan de yeno berzkerdene. Semedo ke şar hemverê heme bêheqîyan hêzek ramojnenê. Tena demê peyîn de tecrîd, qerarê padayîşê HDPyî, qedexekerdişê sîyasetî yê serê sîyasetmedarê kurdan û betalkerdişê Pêkerdişê Stenbolî ame ciwîyayîş ke krîzê ekonomî zî nînan re yew o. Şar vizêr hêrsê xo yê hemverê nînan ramojna. Nisêbîn û Qoser zî Newroze de bî cewabê xeylêk çîyan.

 

Beyraqê TJAyî ameyî desteserkerdene

 

Şefeqê serê sibayî ra şar di het ra meydanan pir kerd. Bi hezaran verê berî de bî rêz. Yew madeyê tewr girîng zî beyraqê Tevgerê Cinîyan ê Azadan (TJA) hetê polîsan ra ame destserkerdiş. Seke ke dimayê betalkerdişê Pêkerdişê Stenbolî rengê morî meydan ra dûr bifînê. Qoser de zî semedê rengê kesk, sûr, zer 2 ciwanî ameybî destbendkerdene.

 

Her kesî Newroze bî hêz

 

Hunermend û parlamenterî dor bi dor, ser sehnî de cayê xo girewtî. qiseykerdişê heme beşdarwanan de şarî coşêk pîl ramojna. Heta saetanê dergî meydan bi sloganan lerzayîne û govende ameyîne kerdene. Ver bi peynî ra Qoser de bi hezaran ciwanî kewtî kuçeyan. Sloganan berz kerdêne. Coka polîsî zî hêzê înan peyser agêra. Pêwa astengîyan zî ciwanî rayrayîş kerdî.

 

Newroze de ciwanan bi taybetî bale antî serê HDPyî û tecrîd. Heta peynî zî semedê nê sloganî ameyî berzkerdiş.