STENBOL - Cinîyê ke hepsê keyeyî nas nêkenê, dîyar kerdî ke no polîtîkayêko seretwinayîşî yo û vat: "Ma vat na xeleka peynî ya zincîra koledarîye ya. Ma waşt ke ma bişiknê. Ma ewro nê kelepçeyî eştî, siba ma do bi şorişê cinîyan dir pêro serdestîyê camêrdan bierzê." Cinîyan vengdayîşê wayîrvejîyayîşê pêro cinîyan kerd.

 

Protestoyê Xoverdayîşê Bozgazîçî yê 1ê Sibate de û deklerasyonê Hêzê Têkoşînê Yewbîyaye yê 4ê Sibate de cinîyê ke ameybî destbednkerdene rastê cezaye hepsê keyeyî ameybî. Xelisnayîşê Cinîyan Burcugul Çubuk, Meclîsê Cinîyan ê Sosyalîst (SKM) Gamze Oztoprak, Cinîyê Ciwanî yê Azad (OGK) Hîvda Selen ke cezayê hepsê keyeyî dîyabi ci, 8ê Adare de vatî, 'Ma hepsê keyeyî de nîyê, ma serewedaritişê femînîst de yê' û vatî, ê hepsê keyeyî nas nêkenê, rayrayîşê Şewe ya Femînîstî de kelepçeyê elektronîkî vetî. Cinîyê ke qerarê hepsê keyeyî nas nêkerdî dîyar kerdî ke no qerarêk polîtîk o û xeta têkoşînê meşrû yê fîlî de hepsê keyeyî red kenê.

 

'Kontrolê edlî heme heqê ma destê ma ra gênê'

 

Burcugule derheqê babete de wina vat: "Bi hepsê keyeyî de vatî, ‘ma şima netepişnayî la ma tewr bêter kerd.' Semedê cinîyan vejîyayîşê teberî seke têkoşînî yo. Hepsê keyeyî hêrişêk vera têkoşînî yo. Keye wareyê koletîyê patrîarkayî yo. Bi qanûnî dir dayîşê hepsê keyeyî esas de têkilîyê mabêne patrîkarkal- kapîtalîzm û faşîzmî zelal keno. Ma eşkenê semedê nê nimûneyan bidê. Vanê kontrolê edlî, vanê ceza nêgirewtî. La pêro heqê ma destê ma ra girewtî. Hepsê keyeyî tewr ê şîdetî yo."

 

'Ma meşrûbîyayîşê xo serê heqdarîyê xo de nas kerd'

 

Burcugule qiseykerdişê xo wina domna: "Ma waştî keye de bitepşnê la ma hepsê keyeyî nas nêkerd. Hepsê keyeyî konseptê tecrîdo nimte yo. Wexto ke semedê îmza ameyî keye, mi vat ez hepsê keyeyî red kena. Dewlete bi hepsê keyeyî vana qey do xoverdayîş vindarno. Ma xeta xo ya meşrûbîyayîşî ne xeta faşîzmî ne zî patrîarkayî de awan kenê. Ma meşrûbîyayîşê xo serm heqdarîyê xo da naskerdiş."

 

'Hemverê koletî ma sere nêtewênenê'

 

Burcugule tewr peyîn qiseykerdişê xo de wina vat: "Ma xeleka peynîye zincîra koletiye yê. Ma waşt ma bişikinê. Hepsê keyeyî yeno manaya ke ma gardiyanîyê xo bikerê. Ma vat, biciwîyo serewedaritişê femînîst û ma vejîyayî meydanan. Ma ewro hepsê keyeyî bi hawayêke xurt nêaçarnê do hîn bêter bo. Ganî no polîtîkayê koledarî biameyîne şiknayîş. Ma vat, ma bêveng nêmanê. 8ê Adare zî na het ra roja tewr rast bî."

 

'Semedê vernîya têkoşînê cinîyan bigîrê wina kerdî'

 

Gamze Toprak zî dîyar kerd ke ganî kelepçeyo elektronîk camêrdê gumanbarê şîdetî rê bêro kerdene û vat: "Semedo ke ma kuçe de sîyaset kerd ma hedef ameyî girewtiş. Semedo ke vernîya têkoşînê ma bigîrê linganê ma zîncîre kerdî. Ma zîncîre 8ê Adare de linganê xo ra eşt. Semedê dewleta faşîst ma ard sewîyeya ke nêeşkenê sîyaset bikerê. Huqûqê xo zî nas nêkenê. Ez tewrê her 8ê Adare bîne. Na 8ê Adare semedê mi manayêka ci ya taybet bî. Semedo ke dewlete ez hepsê keyeyî kerdibi. La mi verpayê ci kerd û şîya meydan. Ma cinîyê komunîstî îdiayê caardişê şorişê cinîyan de yê. Ewro binê kilifê qanûnî de faşîzm hewl danê ma bê tesîr verdo. La ma cinîyan vat, ney û ma qanûnbîyayîş nas nêkenê."

 

'Cayê kelepçeyî lingê ma de nîyo'

 

Hîvda Selen zî dîyar kerd ke hacetê kelepçe de reklamî yenê dayîş û vat "Nê prosesî de polîtîkayo ke yeno waştene bêro zelal kerdene ma zelal dî. No zî sebeb o ke ma red kerd. Her wext zincîran danê linganê cinîyan ro. Ma kelepçe red kerd û ma waşt ke ma ramojnê ke ganî bikewê lingê kamî. Sebebê tercîhkerdişê ma yê 8ê Adare zî no bi. Cayê nê kelepçayan lingê ma nîyê. Ma bi têkoşînê meşrû yê fîlî cewab da faşîzm. Ma peynîya hepsê keyeyî ard û ma şî verê cinîyan. Ma tepiştiş da verê imanê xo ma şî. Ma wexto ke kelepçe vet, ma xo zaf xurt hîs kerd. Eke ma vernîya qerarê hepsî nêgîrê do her kes bêro hepskerdiş. Ma no netîce da verê çiman. Ganî her kes wayîrê çalakîya ma vejîyo."