ENQERE - Munaqeşeyê sînorkerdişê nefeqeyê dimayê destveradayîşî yeno dayene, rojeve de xo paweno. Xeylêk cinî pêwa qerarê dadgehe, nefeqeyê ke ganî bêro dayene nêgînê. Nînan ra yew zî Ayfer Yavuz a. Ayfere dîyar kena ke a nêeşkena debara xo bikera û vengdayîşê paştdayîşî kerd.

 

Serrê peyîn de îqtîdar ra, munaqeşeyê sînorkerdişê nefeqeyê feqîrî yê dimayê destveradayîşî yeno dayene, ame rojeve û hîema zî munaqeşeyê ci rojeve de xo paweno. Munaqeşe serê heqê nefeqe yeno kerdene, bi zanayîşê şaş û kêm yenê kerdene, ewnîyayîşê hemverê cinî zî vuryeno. Rêxistinê cinîyan reaksîyon ramojnayî dîyar kerdî ke dimayê nê munaqeşeyan, nêzdîbîyayîşêko ke vernîya cuya cinî gêno yo. Sewbîna destveradayîşê semedê cinîyan zehmet keno. Mekanîzmayêke ke nefeqeyê nîno dayîş, kontrol bikero çin o û no zî babeta nêdayîşê nefeqeyî de cesaret awan keno.

 

Cinîya bi nameyê Ayfer Yavuz taxa Baglumî ya Keçîoren a Enqereyî de ciwîyena. 6 serre dest ci ra vera daya la nefeqeyê ke ameyo girêdayîş zî nêeşkena bigîro. Ayfere ke verê pandemî şîne karê pakitîyê keyan, dimayê pandemîyî kar zî dest şira şi. Ayfere semedê kar pêwa ke muracatê xeylêk sazgehan zî cewabêke nêgirewt.

 

'Nefeqeyî ganî bêro dayene, nîno dayene'

 

Ayfere 43 serrî ya û dayîka 4 tutan a. Emrê qij de ameya zewicnayîş. Ayfere 27 serrî zewacê xo de xeylêk çî cuya û vat, roşanêke de musena ke mêrdeyê aye keye roto û vat: "Roja 4ine roşanî bi. Cinîyêke ciwan û camêrdêke kal ameyî fekê berî. Mi vat, belkî cîran ê. Cinîyêke vat pîyê mi Hatayî ra ameyê, eşkenê keye bivînê. Mi vat, bawer a şim aşa ameyê. Vat, 'nê ma nê keyeyî mêrdeyê to ra girewto' ez mêrdeyê xo geyraya û ez musaya ke keye roto û cinîyêke dir şîyo."

 

Ayfere dîyar kena ke ten abi sereyê xo têkoşîn kena û camêrdo ke fek ci ra vera dayo ne tutanê xo gêreno û ne zî nefeqe dano. Ayfere dîyar kerd ke pêwa her çî deynê kredî zî înan rê verdayo û şîyo.

 

'Verê pandemî şîne pakitîye kayan'

 

Ayfere dewamî de nê çî vat: "Ez verê pandemî şîne pakitîye keyan. La dimayê nê pandemî o zî şi. Tu pereyê ke qezenc bikerî çin o. Wayê û bira, keyeyê mi ewnîyeno mi ra. Dewlete semedê cinîyê ke rewşa wina de yê tu hetkarî nêdana. Mi xeylêk cayan rê muracat kerd la ame redkerdene. Cewab nêdayî. Ez nêeşkena şîyayê perwerdeyê tutanê xo zî peyda bikerî. Lajê mi bi zor berdî leşkerî, semedê nê tu qezenckerdişê ma çin o."

 

Ayfere nê vengdayîşî kerd: "Mi zaf muracatê sazgehê dewleta tirkî da la tu paştdayîşî nêda. Ez waye û birayê xo yê kurdan ra hetkarî pawena. Mi tena meverdê."