MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 22ine dewr girewt û roja 110ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 22ine dewr girewt û grev roja 110ine de dewam keno.

 

‘Îdia ma kenê gumanan’

 

Buroyê Huqûqî yê Asrînî derheqê îdayê semedê Rayberê PKKyî Abdullah Ocalan ke medya dijîtal de ameyî parekerdene eşkerayî da û eşkerayî de ame vatene, "Derheqê îdayê semedê   Muwekîlê ma yê Îmraliyî ke demêke derg ma nêeşkenê ci dir pêvînayîş bikerê, ma mîyanê hewldayîşî de yê û ma her îdîa bi hawayêke cidî erjnenê."

 

Eşkerayî de ame dîyarkerdene ke Rayberê PKKyî Abdullah Ocalan tewr peyîn 27ê Nîsana 2020 de bi rayîrê telefonî bi teberî dir têkilî dayo ro û dewam de wina ame vatene: “O wextî ra heta nika îmkan çinbi ma zanayîş bigîrê. Derheqê cuya Birêz Ocalanî de 14ê adara 2021 de serê hîn hesabê medya komelî yê anonîman de îdîa ameyî kerdene. Demêk derg o ke ma nêeşkenê muwekîlê xo yê ke Îmraliyî de yo bivînê, coka her îdîayê ke derheqê înan de yeno kerdene, ma bi cidiyetêke pîl cigêrayîş kenê û hewldayîşê lazimî na babete de kenê. Nê îdîayê ke dem bi dem yenê kerdene, ma nêzanê kam ci çîmeyî ra yenê, la semedê ma girîng oyo ke îdîa bi rengêk rêk û pêk derheqê Birêz Ocalanî de yeno kerdene. Bêguman sebebo tewr pîl oyo ke Îmraliyî de tecrîdêko giran esto û pêro îmkanê ma yê zanayîşgirewtişî ameyê birnayene. Semedo ke Zîndanê Îmraliyî zîndanêk wina nîyê ke keye û avûkatî rehetî bieşkê bivînê û derheqê weşî de zanayîş bigîrê. Nê îdîayî benê sebebê endîşeyê pîl ke ganî werte ra bêrê wedaritene. Rayîrê bipeynîkerdişê nê endîşeyan zî oyo ke demo tewr rew de îmkanê têkilî û lazimîyê bi Îmraliyî dir bêrê awankerdene.

 

Ma bi israr wazenê peynîya tecrîdê Îmraliyî bîyarê û endîşeyê derheqê weşîye de bêrê qedênayîş. Ma reyke bîn zî veng danê selahîyetdaranê sîyasî û îdarî û hemine ke fek nê cîyabîyayîşî û pratîkê tecrîdî vera bidê ke serê zîndanêke û komêke tepiştryan rê ferz kenê. Ma veng danê selahîyetdaran ke bi berpirsyarî wirzê, berê Zîndanê Îmraliyî kontrolî abikerê, heqê pêvînayîş û serdayîşî yê qanûnî nas bikerê.