AMED  -  12ine roniştişê dewa derheqê rojnamegere Kîbrîye Evren amebi destpêkerdene, ame vînayene. Dewa reyke bîne ameye  taloqkerdene. 

 

Rojnamegere Kîbrîye Evren Teşrîna Verêne 2018 de amebî destbendkerdene û dima ra amebî tepiştene. Dimayê Teşrîna Peyêne 2019 de tahlîye bî. 12ine roniştişê dewaya derheqê rojnamegere Kîbrîye Evren ke bi îdiayê "endamîya rêxistine" û "propagandayê rêxistine" amebi destpêkerdene, 5ine Dadgeha Cezaya Giran ya Amadî de ameye vînayene. Avûkatî Pîrozhan Karali û Resûl Temûr roniştiş de amade bî.

 

'Ez şahidî eşkera nas nêkena'

 

Roniştiş bi pawitişê Kîbriye Evren dest pêkerd. Kîbrîye dîyar kerd ke seke Veysel Sonsuz vato, aye nêşîya wareyê koyî û dîyar kerd ke a, ey nas nêkena. Kibrîye beratê xo waşt.

 

Dima ra Veysel Sonsuz dîyar kerd ke a nêbîya şahidê vatiş û faaletiyetê Kîbrîye ya rêxistine.

 

'Mi mîyanê partîyêka sîyasî de ca nêgirewt'

 

Kîbrîye seba pawitişî reyna heqê qiseykerdişî waşt û vat: "Ez Jinnewsî de xebityena û mi partîyêka sîyasî dir wezîfe nêgirewto."

 

Roniştiş taloqê 24ê Hezîrane ame kerdene.