AMED - Kovara Jîneolojîye bi amancê krîzê komelî rê biba cewab vejîya rayîr, nika 6 serrî ya. Endama Heyetê Weşanê Kovara Aycan Dîrîl wina vat: "Ma xebatê xo yê zanayîşî bi jîneolojî dir newe gênê dest. Seke wareyê estetîk, ekonomî, ekolojî, demografî, polîtîka, perwerde, tarîx û weşîye, bi ewnîyayîşê jîneolojîk krîzê yê komelî rê benê cewab."

 

Kovara Jîneolojî 5 serrî verê bi sloganê, ‘zanistê dorê cinîyan aver şono, hemleyêke rast ê eştişê komelnasî yo' dest bi weşan kerd. 8ê Adara 2016 de Jîneolojî û krîzê zanistê komelî girewt dest û dest bi weşan kerd. Jîneolojî ke bi eleqeyêke pîl yena taqîbkerdene babetê hemcuyêka azad, etîk estetîk, ewnîyayîşê xozaya cinî gêna dest.

 

Endama Heyetê Weşanê Jîneolojî Aycane Dîrîl, dîyar kerd ke Jîneolojî tarîxê têkoşînê cinî û mîrasê xoverdayîşê cinî hêz girewt û gorê esasê heqîqetê cinî bi îdiayê ke zanistî kewtê werte. Aycane wina vat: "Kovare bi amancê kodê serdest yê camêrdan îfşa bikerê û zanayîşêk newe awan bikera vejîyaya werte. Ma vanê ke azadîya cuye, bi azadîya cinîyan mimkin a. Seba nê heqîqetê cinîyan çiyo? Ganî merdimî senîn nêzdîyê tarîxê cinîyan bivînê? Ma seba fehmêke zanayîşî yê xo seperneno cinîyan vejê werte, hewl danê. Kovara Jîneolojîye netîceyê lazimîyêke, awankerdişê azadîya cinî bi ewnîyayîşê komelî vejîyaya werte."

 

‘Bi amancê biba cewabê krîzê komelî vejîyaya werte'

 

Aycane dewam de wina vat: "Ma vera sîstemê ke cinîyan qetil keno, bi amancê awankerdişî cuyêka azadîwaşt a cinîyan têgeyrenê. Wextê ke ma nê kenê zî ma kewenê kûrayîyê dîrkî, vejenê rayîrwanîya heqîqetê xo û seba nê talan û krîz, no problemê cuye bêro çareserkerdene, bi cinîyan dir hewl danê. Bi 5 serrî ma zanayîşî, esasê komelî, alternatîfan weçînenê û bi na kovare resenê cinîyanê dinya. Bêguman xebate û pratîkê têkoşînî zî no rayîr de babeta vatişî ya."

 

Aycane dewam de vat ke kokê vatişî yê Jîneolojîye, yanî zanistîyê cinîyan esas de zanistê cuye yo û vat, vetişê bîyayeyê heqîqetê cinîyan, vetişê heqîqetê cuye yo û vat, ê rayîrwanîyêke aydê heqîqet û xoserbîyayîşê xo danê destpêkerdene.

 

Munaqeşeyê cuya alternatîfî yenê kerdene. Aycane dewam de dîyar kerd ke ewro sîstemê serdestîyê camêrdan yê kapîtalîstî tesîrê serê heme hetê komelî kerdo û komel û sosyolojî bi ewnîyayîşê Jîneolojî gênê dest û vat, munaqeşeyê cuya alternatîf yenê kerdene, vatişê xo pîya weçînenê."

 

Aycane wina dewam kerd: Wendekaranê ma ra hem paştdayîş û hem zî rexne yenê. Kovara ma tena bi munaqeşeyê cinîyan ney bi pêro wendekaran aver şina. No seba ma zaf bi erjo. 5 serrî verê 8ê Adare de kovara ma dest bi weşan kerd. Ma 8ê Adare Roja Cinîyan ê Dinya pîroz kenê.”