WAN - Parlamentera HDPyî Muazzeze Orhan dîyar kerd ke bi qedexeyê "çalakîye" yê sîstematîk şar binê tecrîdî de yeno girewtene û vat, heta qedexe bêrê peynîkerdiş, ê do çalakîyê xo bi hawayêke perîyodîk bikerê. 

 

Kuçeyê Nacîbey yê awanîya Partîya Demokratîke ya Şaran  (HDP) a Wanî, vizêr saetê serê sibayî de hetê polîsan ra ame padayene. Parlamenterê HDPyî Murat Sarisaç û Muazzez Orhan û HDPyijan reaksîyon ramojna polîsan kuçe pada û destûr nêdayî şar derbaz bibo. Parlamenteran verê awanîya walîtî de qedexeyê çalakîyan ê 15 rojî îlan kerd, çalakî kerdî. Waştişê pêvînayîşî yê paralamenteran yê derheqê qedexeyo ke bîyo sîstematîk, nêame tesdîqkerdene.

 

Partîya Demokratîke ya Şaran (HDP) Muazzez Orhan, derheqê babete de qisey kerd.

 

'Amancê ablûqa astengkerdişê xebatê ma yê sîyasî yê'

 

Muazzeze dîyar kerd ke vizêr saete 09.30 de polîsan awanîya înan kerda binê ablûqa û vat: "Polîsî nêverdenê kes derbazê awanîya ma bibo. Bi itirazê ma serek û çend kesî eşkayîne derbazê awanîya ma bibê. Amancê ablûqa oyo ke wazenê meşrûtîyetê HDPyî mîyanê şarî de peynî bikerê. Wazenê HDPyî terorîze bikerê û nêverdê şar bêro têhet. Amancê ablûqakerdişî astengkerdişê xebatê m ayê sîyasî yê. Bi hezar û pansey rojî yo walî qedexeyan tim derg keno. Seba ke partîya ma proveke bikerê û xebatanê ma asteng bikerê û ma çalakîyan nêkerê, awanîya ma kenê binê ablûqa."

 

'Wazenê têkoşînê ma asteng bikerê'

 

Muazzeze dîyar kerd ke hewildayîşê bi nê rengî bi kesî rê tu çîyêk nêeşkeno bido qezenckerdiş û wina vat: "HDP roja ke ameyo awankerdene heta nika seba aştîye xebityayo. Seba cuyêka azad û têduşt HDP têkoşn keno û polîtikayan awan keno. Ma do destûr nêdê ke no bêro terorîzekerdiş. Ma veng danê şarî ke bi nê provakasyonan nêrê xapênayîş. No tecrîdêke yo. Eynî wextî de krîzê ekonomî, topeştişê esnafan, vindertişê sektorê tûrizmî netîceyê polîtîkayê tecrîdî yê."

 

'Ma do çalakîyanê xo bi hawayêko perîyodîk bikerê'

 

Muazzeze dîyar kerd ke xeylêk çalakî û eşkerayîyêke bidayîne, bi sebebê pandemî ameyê astengkerdene û vat: "Nê qedexeyan hemverê veng û xebatanê ma kenê. Wan de ambargoyêke ekonomî esta. Destûr nêdayî çalakîya seba 8ê Adare zî. Seba ke nê qedexeyî peynî bibê, ma verê walîtî de çalakî kerd. Heta nê qedexeyî peynî bibê, ma do nê  çalakîyanê xo bi hawayêke perîyodîk bikerê."