COLEMÊRG - Colemêrg de bi munasebetê 8ê Adare cinîyan serdayîşê esnafan kerd. Serdayîş de qerenfîlî cinîyan rê ameyî vilakerdene.

 

Tevgerê Cinîyan ê Azad (TJA) û Partîya Demokratîke ya Şaran (HDP), Meclîsê Cinîyan ê Colemêrgî çarçewaya bernameyê 8ê Adare de şî serdayîşê esnafan. Parlamentera HDPyî ya Rihayî Ayşe Surucu û xeylêk cinî tewrê çalakîya serdayîşê esnafan bî. Cinîyan eleqeyêk pîl dayî serdayîş û mesajê paştdayîş ame dayene.

 

Dimayê serdayîşî qerenfîlî cinîyan rê ameyî vilakerdiş.

 

Serdayîş, bi sloganê "Cinî ciwîyayîş azadî" peynî bi û cinî seba şahîya Geverî do bêro kerdene, kewtî rayîr.