ENQERE- Vervatoxa Meclîsê Cinîyan ê HDPyî Ayşe Acar Başaran dîyar kerd ke ê do 8ê Adare de serewedaritiş girs bikerê û vat: "Pandemî de bi tehlukeyê serdestîyê camêrdan hîna zaf bi tehluke. Aşîya pandemî esta la aşîya serdestîyê camêrdan têkoşînê cinîyan o. Seba nê zî ma çiqas têkoşîn bikerê, ma do hende heqê xo biapwê."

 

Meclîsê Cinîyan ê HDPyî do 8ê Adare de bi sloganê, ‘serewedaritişê ma seba azadîya ma yo', ‘Bi xoverdayîş cinî ver bi azadî rayrayîş kenê' de meydanan de bê. Meclîsê Cinîyan do Êlih, Mersîn, Îzmîr, Antalya, Denîzlî, Eskîşehîr, Aydin, Kocaelî, Stenbol, Amed, Wan, Edene û Enqere de bi girseyî rayrayîş û mîtîngan organîze bikerê. Cinîyê HDPyijî ke binê versîya destbendkerdene, teda û tepiştişan de 8ê Adare pêşwazî kenê, do reyke bîn waştişê xo kuçeyan de biqîrê.

 

Vervatoxa Meclîsê Cinîyan ê HDPyî Ayşe Acar Başaran derheqê kampanya de ‘Seba cinîyan edalet' 10ê Sibate de startê ci dayî û 8ê Adare Roja Cinîyan ê Dinya ser o qisey kerd.

 

Ayşe vat, netîceyê munaqeşeyê pîl de, kampanya ‘Seba her kesî edalet' vejîya meydan û vat; kombîyayîşê înan de sîyaset, şer û tecrîd ameyî munaqeşekerdene û hema hema bi heme pêkerdişê HDPyijan dir munaqeşe kerdê. Ayşe wina dewam kerd: "Ma bernameyê ‘seba cinîyan edelet’ 13ê Sibate de deklere kerd. Ma zanê ke bi seserran o serdestîyê camêrdan, vera cinîyan o. Çi heyf, edelet seba cinîyan qetî bi ca nêameyo. Edalet her wext hetê camêrdan û mîlîtarîzmî bi. No sîyasetê AKP-MHPyî de tewr giran bi."

 

'Cayo ke aştî çin o edalet zî çin o'

 

Ayşe dîyar kerd ke cinîyan vera sîyasetê şer û tecrîdî, berpirsîyarî girewtê xo ser û vat: "Cinîyan qêrînayîşê aştîye her ca de berz Dayîkê laçig sipî, dayîkê aştîye û pêro cinî têkoşînê cinîyan kenê nê prosesî de têkoşînê çareserî kerdî. Grevê vêşanîye ya zîndanan resayo roja 99ine. Lingêke kampanya meclîsê cinîyan tecrîd de ya. Seba cayê ke aştî ci çinî bo edalet zî çin o."

 

'Ma do waştişê edaletî biqîrê'

 

Ayşe vat ke şarsitanê herême de bêedaletî esto û dosya Îpek Er ke hetê çawîşo Pispor Musa Orhan ra ameye tecawizkerdene û dima ra întîxar kerde, nimûneyê bê edaletîye yo. Ayşe vat: "Dewlete, êyê ke wayîrê cilê leşkeraê muhakeme nêkena. Polîtîkaya dewlete kesê ke bi cilanê leşkerîyê teşwîq kena. Ma sey HDPyî vera nê polîtîkayê lêşinan qîrînayîşê edaletî berz kerd. Binpaykerdişê heqan yê zîndanan, cigêrayîşê zitî, şîdet û grevê vêşanîye parçeyêke kampanyayê ma yê. AKP destpêkê îqtîdarê xo de fek edaletî ra vera da. Tena xo aver berd."

 

'Hemverê nasnameyê cinîyan de hêriş esto'

 

Ayşe dewam de wina vat: "Hemverê nasname û cuya cinîyan de hêrişêk esto. Ma wina prosesêke de şaristanêk de 4 cinî yenê qetilkerdene. Vera pêro probleman cinî têkoşîn kenê. Vera nê hêrişan ganî têkoşîno kolektîf bêro pîl kerdene. Îqtîdar hedef keno ke ma yewbînan ra bivisno. Bi hêrişê vera TJAyî têkoşînê cinîyê Kurdan hedef gêno. Wezîrê Karê Zereyî wezîrîyê ‘şer û mêrdeyî’ keno. Ganî ma her wext nê bîyarê ziwan ke wezîrêk ke her wext cinîyan hedef gêno, şer pîroz keno esto. Cinî sey astengî yenê vînayîş. Hêrişê hemverê di embazê ma yê cinîyan, bêguman hemverê ma pêrûne yo."

 

'Ma têkoşînê cinîyan ê enternasyonal pîl kenê'

 

Ayşe derheqê xebatê 8ê Adare de z, zanayîş da û vat: "Ma kerdişê kampanya de vat, gelo ma bi cinîyan dir eşkenê se bikerê? Ma têkoşînê cinîyan senî eşkenê girs bikerê? Ma bi sazghehê cinîyan Îzmîr, Enqere û xeylêk cayê bînan dir ameyî têhet. Pêwa nê hewldayîşê ma oyo ke ma têkoşînê cinyan ê enternasyonal zî girs bikerê."

 

'Ma do feqîrî bigîrê rojeva xo'

 

Ayşe tewr peyîn vat ke do feqîrî zî bigîrê rojeva xo û vat: "Ma do heta 8ê Adare xebatan dewam bikerê. Ma do xeylêk cayê Tirkîya de serdayîşan, eşkerayîyan û panelan bikerê. 8ê Adare de ma do bi TJAyî dir rayrayîş bikerê, mîtîng bikerê û eşkerayî bidê. Do serewedaritişê meydanê 8ê Adare de berz bibo. Pandemî bi tehluke yo la serdestîyê camêrdan hîna tehluke yo. Aşîya pandemî esta la aşîya serdestîyê camêrdan têkoşînê cinîyan a. Seba nê ma çiqas têkoşîn bikerê, ma do hende heqê xo bipawê."