AMED - Komxebata Îtîfaqê Kurdîstanî derheqê munaqeşeyê padayîşê HDPyî de eşkerayîyêke dayî û vatî: "Maveng danê ke hemverê tedayê ke serê HDPyî de yenê kerdene, paştdayîşê yewbînan bikerê û wayîrê heqê merdiman, têkoşînê azadîye, serdestîyê huqûqî û demokrasî vejîyê."

 

Komxebeta Îtîfaqê Kurdîstanî vera qirkerdişê sîyasî û gefanê qefilnayîşî yê serê Partîya Demokratîke ya Şaran (HDP) eşkerayîyêka nuştekîye 

Eşkerayîye de ame parekerdene ke HDP wayîrê rayanê 6 mîlyon merdiman o la hemserekî zî tede îdarekar û endamê ci tepişîyenê û dest nîyeno wekilîya wekîlanê ci ser. Komxebate da zanayene ke bira 'qefilnayîşê HDPyî' bêhuqûqîye eşkera kena û birêka sîyasî ya.

 

Eşkerayî de ame vatene; "Ganî meseleya kurdan pê rayîrê demokratîkî bêra çareserkerdene. Gamê peyênî yê îqtîdarê ne hetê Amerîka ra ne zî hetê Yewîya Ewropa ra bêrê qebulkerdene.

 

Ma dewa û tepişîyayîşanê HDPyîjan şermezar kenê. Ma venga kurdan, partî û hêzanê demokrasî danê ke vera gefan hetê HDPyî de bibê û wayîrê têkoşînê azadîye, demokrasî û heqanê merdiman vejîyê." 

 

Partî û tevgerê ke Îtîfaqê Kurdistanî de ca gênê wina yê:

 

Partîya Herêman ê Demokratîke (DBP)

 

Komeleya Kurdê Demokratê yê Şorişgêr (DDKD)

 

Partîya Însan û Azadîye (PÎA)

 

Partîya Demokratîke ya Şaran (HDP)

 

Partîya Demokratî ya Kurdistan-Vakur (PDK-Vakur)

 

Partîya Komunîstî ya Kurdistan (KKP)

 

Partîya Azadî 

 

Partîya Demokratî ya Kurdistan-Tirkiye (PDK-T)