AMED - DFGyî raporê xo yê menga sibate de eşkera kerd û goreyê raporî 6 rojnamegerî ameyî destbendkerdene, rojnamegerêk ameyo tepiştene û 6 rojnamegeran rê zî 26 serrî ceza ameya dayene.

 

Komeleya Rojnamegeran ê Dîcle Firatî (DFG) derheqê binpaykerdişê heqê rojnamegeran de raporê xo yê menga sibate eşkera kerd. Rapor de ame vatene ke tedayê serê rojnamegeran bêmabên dewam kenê û hema vajê rojêke rojnamegerî nêrê tepiştene, nêrê destbendkerdene, cipersayîş dest pênêkero û dewa anêbo, ceza înan rê nêro birnayne, ajanî înan rê nêro ferzkerdene û bi tehdîd û hêrişan dir rî bi rî nêmanê çin o.

 

DFGyî dîyar kerd ke menga sibate de 6 rojnamegerî ameyê destbendkerdene, rojnamegerêk ameyo tepiştene û 6 rojnamegeran rê zî 26 serrî ceza ameya dayene.