AMED - TJAyî derheqê Dayîkê Aştîye Hatun Aslan û Meryem Soylu ke ameyî tepiştene de eşkerayîyek nuşteyî dayî û vat, "Îqtîdar seba ke serê lingan de bimano, şîdetê xo zêde keno, Dayîkê Aştîye seba ameyoxî têkoşîn kenê."

 

Tevgerê Cinîyan ê Azadan (TJA), seba Dayîkê Aştîye Hatun Yildiz (72) û Meryem Solu (79) yê ke 27ê Sibate de ameyî tepiştene û vizêr ameyî tepiştiş, eşkerayîyêke nuşteyî da. Eşkerayî de ame dîyarkerdene ke tifaqê AKP -MHPyî seba ke ser lingan de bimano, muracatê şîdet, tepiştiş û caardişê vera demokratîkî keno û roj çin o ke kesê demokrasîwaştox û azadîwaştoxî nêrê destbendkerdene û tepiştene.

 

TJAyî ke eşkerayîye xo de dîyar kerd ke îqtîdarê camêrdan tewr zêde hêrişê cinîyê ke hemverê ci sere nêtewênenê û vat: "Cinî bi hawayêke nêheq û bêhuqûqî yenê destbendkerdene û tepiştene. Tewr peyîn zî 27ê Sibate de Dayikê Aştîye Hatun Aslan (72) û Meryem Soylu (79) 27ê Sibate de ameybî destbendkerdene û dimayê ke 3 rojan destbendkerde mendî, ameyî tepiştiş. Reyna Muhlîse Karaguzel (60) zîndan de krîzê qelbî derbaz kerda û wedaritê nêweşxane. Wexto ke Muhlîse berdê nêweşxane zî nengî û heqaret ci rê ameyo kerdene."

 

'Do têkoşînê ma dewam bikero'

 

TJAyî tewr peyîn wina vat: "Ê kesê ke merdimê înan ameyê kiştiş û seba ke kesê bîn nêrê kiştiş, têkoşîn danê. Ê cinîyê ke seba ameyoxê ma têkoşîn kenê yê. Ma reyke bîn vanê ke şima nêeşkenê bi polîtîkayê xo yê zulm û tepiştişî, têkoşînê cinî û dayîkan zor berê. Ma hemverê dîktatorîyê şima yê faşît sere nêtewênenê. Her ke hêriş bikerê ma do sere wedarnê û do têkoşînê ma pîl bibo. Têkoşînê ma yo seba ameyox û welatêko azad do dewam bikero."