DÊRSIM - Dêrsim de Meclisê Cinîyan ê HDPyî, startê 8ê Adare da.

 

Meclisê Cinîyan ê HDPyî yê Dêrsimî, awanîya HDPyî ya şaristanî de bi kombîyayîşêke çapamenîye startê 8ê Adare Roja Cinîyan ê Dinya da. Cinîyan kombîyayîş de pankartê “Serewedaritişê ma seba azadîya ma" akerdî. Kombîyayîş de Hemsereka HDPyî ya Şaristanî Nûrşate Yeşîl qisey kerd û dîyar kerd ke do terkê heq û cuya xo nêkerê.

 

Hemserek Nûrşate Yeşîl, dîyar kerd ke 8ê Adare de bi heme cinîyan dir waştişê xo biqîrê û wina vat: "Hemverê şîdetê camêrdan, binpaykerdişê heqan, remnayîş û vindîkerdişan, qetilkerdişê cinîyan,  tacîz û tecawuz, cigêrayîşê zitî, şertê tecrîdî û her tewir vatişê şîdet û kînî yê hemverê cinîyan serewedaritişê ma azadîya ma ya. Ma seba cinîyan edalet wazenê. Ma do fek heq û cuya xo ra vera nêdê. Hemverê edaletê camêrdan ma do pîya edaletê cinîyan bîyarê. Ma do 8ê Adare de bendeyê pêro cinîyan de bê."

 

Dimayê eşkerayîye startê 8ê Adare ame dayene