STENBOL - Cinîyê Komela Demê Cinî bi firçeyê destê xo seba 8ê Adare pankart û dovîz amade kerdî. Komele do bi wê bi sloganê, 'Demê cuye de, demê cinîyan de' do meydanan de vengê xo berz bikera.

 

Bi nêzdîbîyayîşê 8ê Adare Roja Cinîyê Dinya dir Stenbol de amadekarî dewam kenê. 5ê Adare de vera Îskeleyê Kadikoyî de do bi sloganê, ‘Ma do azadîya xo bi dest bikerê' cinî bêrê têhet û 8ê Adare de zî Taksîm de do 18ine Rayrayîşê Şewe ya Femînîstan bêro kerdene. Yew rêxistinê cinîyan ê Komeleya Demê Cinî zî amadekarîyê xo bi kelecan kenê.

 

Sloganê 8ê Adare amade yo

 

Cinîyan dîyar kerd ke dovîz û pankartê xo bixo bi boyax û firçeyan viraştê. Cinî yenê têhet, hem sohbet kenê û hem zî pankartan bi baldarî viraznenê. Sloganê komele zî ‘Ma demê cuye de yê, demê cinîyan de yê' yo.

 

Pankartan de jîneolojî û pawitişê cewherî bale anceno

 

Komele pankartê xo yê emsar de bale ant serê Jîneolojî û sloganê, ‘Bi jîneolojî do cuye newe ra bi mana ba' bale anceno. Sewbîna vera hepskerdişê cinîyan ê keye zî do vajê, ‘Eke bi şewe huyayîş ma rê qedexe bo, bajaran de huyayîş ma rê qedexe bo, ma do şewan zî bajaran zî bivurnê.' Reyna seba pawitişê cewherî zî pankartê ‘Cinî serê rayîrê heqîqetê xo û têkoşînê xo pawenê' bale anceno.

 

‘Ma bi rêxistinêk xerabî dir ameyê rî bi rî'

 

Endamê komela Dîlek Başalan û Elîf Îşcan derheqê amadekarîyan de qisey kerdî. Dîleke vat, 8ê Adare emsar seba înan girîng o û vat: "Demê 2020 ameyîne dewrkerdene rojêke de 4 cinî ameyî qetilkerdene. Qirkerdişê cinîyan babeta vatişî yo. Şîdetê serê cinîyan her ke şino zêde beno. Camêrdê ke cinîyan qetil kenê zî bi bêcezabîyayîşê yenê xelatkerdene. Pêrosesêk pandemî esto. Nê prosesî de cinî betal ameyî verdayîş, feqîr kewtî. Rojê peyîn de ma rastê hepsê keyeyî yenê. Ma bi rêxistinêke xerabî dir rî bi rî yê. Seba nê 8ê Adare ma rê girîng o.”

 

‘No seserre demê cinîyan bi'

 

Dîleke dîyar kerd ke kuçe terk nêkerdê û hêzê xo nîşanê şîdetê camêrdan dayî û wina vat: "Ma na çarçewa de xebatê 8ê Adare dayî destpêkerdene. Atolyeyê ma kerdî de seba sloganê mesar ma xeylêk pêşnîyaz girewtî. Sloganê ma, 'Ma demê cuye de yê, demê cinîyan de yê.' No seba ma girîng o. Ma waştêne ma serê demê cinîyan de zî vinderê. No seserre wextê cinîyan bi. Heme dinya de wina yo. Yanî dem seba ma girîng o."

 

‘Bêrê ma têhet de bê'

 

Peyama Dîlekê wisa ye: “Em bi hev re xurt in. Em ê di 5’ê Adarê de li Kadikoyê bin. Di 8’ê Adarê de em ê di Meşa Şevê ya Femînîst a li Taksîmê de bin. Ev bo me gelek girîng e. Em kolanan bi piştevaniya jinan dikarin vebikin. Em ligel hev bin em ê li dijî şîdeta mêr hîn bêtir xurtir bin.”

 

‘Ma paştdayîş pîl kenê'

 

Elîf Îşcan zî bale ant serê amadekarîyê komeleya derheqê 8ê Adare de û dîyar kerd ke seba pandemî xebatê onlîne dest pêkerdê û serê onlîne ameyê têhet. Elîfe dîyar kerd ke atolye viraştê û wina vat: "Ma atolyeyan de bi cinîyan dir yenê têhet û înan dir paştdayîş pîl kenê. Reyna plansazîyê ma yê mîyanxoyî estê. Ma bi kombîyayîş û plansazîyê xo şinê 8ê Adare. Ma do bi vatişê xo vejîyê wareyan. Ma îdiayê ke na seserre, seserra cinîyan de yê. Xebatê cinîyan yê pankart, afîş û dovîzan dewam keno. Embazê ma her roje yenê têhet. Ganî ma 8ê Adare de seba xo vejîyê wareyan. Ma veng danê pêro cinîyan ke 5ê Adare de Kadikoy û 8ê Adare de zî rayrayîşê şewe benê."