MELETÎ - Hemşaredara Şaristanê Girdî ya Amedî ya verê Gultan Kişanak ke tepişte yena muhakemekerdene, bi rayîrê SEGBÎSî tewrê roniştişî bî û dîyar kerd ke dosya bi tedayê sîyasî ameya akerdene û wina vat: "Bi şîdetê sîyasî dewa ame destpêkerdene."

 

10ine roniştişê dewaya Hemşaredara Şaristanê Girdî ya Amedî ya verê Gultan Kişanak û Hemsereka Pêroyî ya Partîya Herêmê Demokratikî (DBP) Sebahat Tuncel ke bi îdeayê “endamîya rêxistine" û “propaganda rêxistine" tepişte yenê muhakemekerdene, 5ine Dadgeha Cezaya Giran ya Meletî d ame vînayene. Gultan Kişanak Zîndanê Cinîyan ê Kandirayî û avûkatê înan Serekê Baroyê Amedî Cihan Aydin, Av. Mehmet Emin Aktar û Av. Mesut Beştaş, Amed ra bi rayîrê SEGBîSî tewrê roniştişîbî. Sabahate Tuncel zî seba sewqî tewrê roniştişî nêbî. 

 

Polîsan vernîya roniştişî, awanîya edlîye kerdî binê ablûqa. Heyetê dadgehe qerar da ke dosya derheqê Komeleya Sarmaşikî ya ke 5ine Dadgeha Cezaya Giran ya Amedî de ameyîne vînayene bi dosya dir bikerê yew.

 

Gultane, bi rayîrê SEGBÎSî pawitişî kerd û dîyar kerd ke dosya û dewayê ke ci rê ameyê akerdene bi teda û şîdetê sîyasî ci rê ameyê akerdene. Gultane waşt huqûq vera nê tedayê sîyasî sere nêtewêno.

 

Avûkatê Gultane, Mehmet Emin Aktar zî pawitiş kerd û dîyar kerd ke Gultane 4 serrî yo bi hawayêko sanal yena muhamakerdene û wina vat: "Ma rîyê yewbînan nêvînenê û yewbînan muhakeme kenê. No muhakemeyêko kêfî yo. No îhlalê huqûqî yo."

 

Serekê Baroyê Amedî û Av. Cihan Aydin zî dîyar kerd ke Gultane seba Komeleya Sarmaşikî yena muhakemekerdene û wina vat: "Awankerdişê komela de Baroyê Amedî, Şaredarîya Şarsitanê Girdî û Walitîya Amedî tewr bi. Seke sazgehê bînan baro zî paştdayîş da. Mi zî pere da. Ez tîya xo îxbar kena. Komela ewnîyayîşê masa komeleyan û Wezareta Karê Zereyî de abî. Komele bi KHK amî padayîş. Eyb o şerm o. Babeta komeleya Sarmaşikî hem yarî û hem zî trajîk a."

 

Heyetî, dewa taloqê 21ê Gulane kerd.