ÎZMÎR - Cinîyan dîyar kerd ke îşkenceyê cigêrayîşê zitî, wexto ke tevgerê cinîyan pîl bîyo de, resayo sewîyeya şîdetê cinsî û vatî: “Bedenê cinîyan xo rê kerdî meydanê şerî."

 

Tirkîya û şaristanê herême de wextê destbendkerdişî û zîndanan de însanan rê cigêrayîşê zitî yeno kerdene. Derheqê îşkenceyê bîyaye de înkarê dewlete dewam keno û pêwa nê serekwekîla Koma AKPyî Ozlem Zengîn zî cinîyê ke cigêrayîşê zitî qal kerdî, hedef ameyî girewtene. Mabêne 2010-2019 de hûmara kesê ke muracatê TÎHVyî dabî 241 bi û 2020 de hûmara kesê ke muracatê ÎHDyî kerdê zî 167 bi.

 

Komîsyonê Heqê Cinîyan ê ÎHDyî  Îzmîrî ra Cemîle Karakaya û Ayşenur Kizaroglu derheqê îşkenceyê cigêrayîşê zitî de qisey kerdî.

 

'Derheqê cigêrayîşî zitî de muracat ameyî '

 

Cemîle dîyar kerd ke dimayê munaqeşeyê derheqê Pêameyîşê Stenbolî ra dima çalakîyê demokratîk de zî kesî bi îşkence ameyê destbendkerdene û wina vat: "Verê zî Emnîyetê Uşakî îşkenceyê cigêrayîşê zitî ame kerdene. Ma seke komîsyonê Cinîyan ê ÎHD û ÎHDyê pêroyî derheqê îşkenceyê cigêrayîşê zitî de eşkerayî da. Nika seba Aydinî îşkenceyê cigêrayîşê zitî ma çapemenî û şubeyê ÎHD yê Aydinî ra eşnawit."

 

'Ganî yê ke îşkence kerdê bêrê cezakerdene'

 

Cemîle dîyar kerd ke cigêrayîşê zitî îşkence yo û huqûqê mîyanneteweyî û Qanûnê Cezaya ya  Tirkî de zî îşkence ameyo qedexekerdene. Cemîle wina qedêna: "Madeyê 99ine ê TCKyî de cigêrayîşê zitî îşkence yo. Yê ke îşkence kerdî, ganî bêrê cezakerdene. Îşkenceyo cigêrayîşê zitî êdî sîstematîk kerdê."