MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 17ine dewr girewt û roja 86ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 17ine dewr girewt, grev roja 86ine de dewam keno.

 

Hemsereka DBPyî ya serdemê verî Sebahat Tuncel derheqê grevê vêşanî de erjnayîş kerd û wina vat: "Pêwa wisarî omidê ma zî geş benê. Hemverê polîtikayê şer, qirkerdişê cinî, şar, xoza, teda û polîtikayê xidarî ma do biqîrê û têkoşînê xo girs bikerê.