WAN - Cinîyê Serhedijî 22yîn serrgera komployê mîyanneteweyî ke Rayberê PKKyî Abdullah Ocalanî teslîmê Tirkîya ameyo kerdene de reaksîyonê xo reyna kerdî û vatî: "Bi milyonan kurdî mecbûr ê êdî hemverê tecrîdî vengê xo berz bikerê. Ma zî bi serekê xo dir 22 serrî yo binê tecrîdî de yê."

 

Rayberê PKKyî Abdullah Ocalan 15ê Sibata 1999 de netîceyê komployê mîyanneteweyî de Kenya ra ardî Tirkîya. Serê komployî ra 22 serrî derbaz bi. Abdullah Ocalan 22 serrî yo Îmrali de binê tecrîdo giran de yeno tepiştene û her cayê dinya ra zî çalakîyê protestoyî vera nê ameyî kerdene. Tepiştişê Abdullah Ocalanî ra heta nika reaksîyonê cinîyan zî açarya xoverdayîş.

 

Cinîyan 22yîn serrgera komployî de reaksîyonê xo ardî ziwan.

 

Nurîye Turan: Zulmê serê rayberê ma ewro serê şaran de dewam keno. Ma dayîkî ganî vera komployî bê. Dayîkî çiqas vera nê zulmî de vinderê, do vera zulmî bibê cewab. 22 serrî yo rayberê ma binê tecrîdî de yo. Seba ma Rayberê ma girîng o. O çin bo ma zî çin ê. Nika seba Rayberî pêro zîndanan de grev esto. Ewro ganî bi mîlyonan kurdî vera tecrîdî sere wedarnê. Çi destê m ara bêro ganî ma bikerê. Ciwanê ma ewro têkoşîn kenê. La têkoşîn tena serê ciwanan de nêbeno. Ganî ma wezîfeyê xo bi ca bîyarê. Ganî ma vera zulmî vinderê û xo ver bidê.

 

Menîce Alik: Bêguman ma ferqê tecrîdo ke giran bîyo de yê. Ma ewro vanê qey tecrîd serê kesêk de yo la tecrîd esasê xo de serê ma hemine de yo. 22 serrî yo tecrîd esto. Heta nika ma bi hawayêko baş zanayîş rayberê xo ra nêgirewto. Ganî ma şarê kurdî hemverê tecrîdî bêveng nêmanê. Ma êdî nê komployî qebul nêkenê. Ma zî sey Rayberê xo 22 serrî yo binê tecrîdî de yê.

 

Ferîhe Dînçer: Tutê ma zîndanan de bi fedekarîyêk pîl kewtê grev. Sebebo tewr pîl yê grevan bêguman tecrîd o. Heta ke tecrîd û komplo dewam bikero, do şarê Kurdî zî zulm bivînê. 22 serrî yo zanayîşêk baş Rayberê ma ra nîno girewtene. Ewro zî heqê xo yê meşrû ra bêpar yeno verdene. Bi serran o verê netîceyê komployêk de ardî Tirkîya û ewro zî bi destê KDPyî zulm kurdan rê yeno kerdene. Zulmê ke Rayberê ma û Kurdan rê yeno kerdene, eynî çîyo. La yewin çareserî Îmralî yo.

 

Cedîde Serhat: Tutê mi 15 serrî yo tepişte yo. Seba lajê mi vat aştî, nika tepişte yo. Rayberê ma seba ke vat aştî 22 serrî verê bi komplo ardî Tirkîya. Nika zîndanan de grev esto. Sebebê nê zî o yo ke her kes binê tecrîdî de yo. Wa no tecrîd êdî peynî bo. Ma kîşte tutanê xo de yê. Wa êdî no tecrîd peynî bibo.

 

Şîrîn Aslan: Wexto ke Rayberê ma ame tepiştiş, ma zaf xemgîn bî. Wa Rayberê ma zîndan ra vejîyo. Ma wazenê azad bibo. Tecrîd serê heme şaran de bi ca yeno. Wa tecrîd peynî bibo. Ma tecrîd qebûl nêkenê. Wa zulm peynî bibo. Ganî seba azadîya rayberê ma dewlete çîyêk bikera. Ma nê wazenê, ma çîyêk bîn nêwazenê.