MUGLA - Merdima tepişteyî, Zeynep çelîk dîyar kerd ke Kurdî, Rayberê PKKyî Abdullah Ocalanî sey serek vînenê û vat, nêvînayîşê heqê Kurdan ehlaqî nîyo û vat, ganî veng bidê, vengê tepişteyan.

 

Bi amancê wedaritişê tecrîdê serê Rayberê PKKyî Abdullah Ocalan, hetê tepişteyê PKK û PJAK ra grevê vêşanîye ameyî destpêkerdene û gerv kewt roja 78ine. Merdimê tepişteyan hetêk ra pşatdayîş danê tutanê xo û heto bîn ra zî waştî ke pêvînayîşê bi Îmrali dir bêrê destpêkerdene. Dayîka tepişteyê bi nameyê Mehmet Çelîk ke zîndanê Kayserî de yo Zeynep Çelîk dîyar kerd ke ganî peynîya nê zulmî bêro û vat, heqê Kurdan yê tewr sereyîn nêvînenê û vat, no ehllaqî nîyo.

 

'Tepişteyî vera nêheqî xo ver danê'

 

Zeynebe dîyar kerd ke lajê aye 10 serrî verê Amed de tewrê mîtîngê aştîye bîyo û coka ameyo tepiştiş û vat: "Lajê mi tewrê çalakîya ke Leyla Guven dabî destpêkerdiş bibi. tepişteyî hemverê bêhuqûqîyan têkoşîn kenê. Ganî her kes paştdayîş bido înan. Wa yê ke nê welatî îdare kenê, wa tutanê xo bikerê vera ma."

 

'Wa muzakere bêrê destpêkerdiş'

 

Zeynebe dîyar kerd ke tepişteyî têkoşînê demokrasî danê û wina vat: "Ma azadîya înan wazenê. Ma wazenê ke bibê yew û sey şarê bîn têhet bê. Seba ma Tirk, Ereb, Fars ferq nêkeno. Wa ê zî vera ma rêzdar bê. Çira hende zulm. akin. Wa ganî muzakere bêrê destpêkerdene. 45 serrî verê ma seba betalî koçê Mugla kerd. Wa kurdî, kurdbîyayîşê xo înkar nêkerê. Pêwa pêro tedayan ma do Kurdkî qisey bikerê. Tornê mi kêm qisey kenê. Dersê kurdkî çin ê. Semedê perwerdeyê Tirkî tutî ziwanê dayîke xo vîr ra kenê. No zulm o. Têkoşîn heqê kurdan o. No heqê her kesî yo. Çira nêbêehlaqî kenê."

 

'Ma nêbê yew do eynî çî bêrê ciwîyayîş'

 

Zeynebe tewr peyîn qiseykerdişê xo de win avat: "Ma nêwazenê grevî dewam bikerê. Wa waştişê tepişteyan bêrê qebulkerdiş. Wa her kes goş bido waştişê înan. Eke Kurdî nêbê yew do reyn aeynî çî biciwîyê. Ganî ma nê zulmî qebul nêkerê."