Ronîda Hacî

 

HESEKÊ - Îdarekara Buroyê Cinîyan ê TEV-DEMî ya Kantonê Hesekî Zeyneb Hebeş, derheqê komployê mîyanneteweyî yê ke Rayberê PKKyî Abdullah Ocalanî ser o ameyo kerdene, dîyar kerd ke komployê 15ê Sibate vera têduştî û mozayîkê şaran o û vat: "Omidê ma bi fikrê azad pîl benê, seba nê serkewtişê pîlî qetî kerdî."

 

15ê Sibata 1999 de komployêk mîyanneteweyî vera Rayberê PKKyî Abdullah Ocalan bi ca ame û esîr ame girewtene. Bi tepiştişê Rayberê PKKyî Abdullah Ocalanî dir dewleta tirkî tecrîdêko giran Girawa Îmrali de kena. Derheqê babete de Îderakera Buroya Cinîyan ê TEV-DEMî yê Kantonê Hesekî Zeyneb Hebeş ercnayîş kerd û ma dir pare kerd.

 

'Komployê 15ê Sibate têduştî û mozayîkê şaran hedef girewt'

 

Zeynebe dîyar kerd ke têkoşînê şaran do tecrîdê serê Rayberê PKKyî Abdullah Ocalanî birijno û vat: "Dewletê îqtîdar waştî ke bi rayîrê komplo, îradeyê têkoşînê şaran bişikinê. Verpayê amancê înan, hêzê demokratîkî felsefeyê Rayber Apo girewtî û açarnayî sîstemê awankerdişê komelêko azad û birêxistinkerde. Rayber Apo seba têduştîyê şaran projeyê Netewa Demokratîkî pêşkêş kerd û hemverê îqtîdar û koletî têkoşîn kerd. Komplo 15ê Sibate de têduştî û mozayîkê şaran hedef girewt."

 

'Zîndanê Îmrali bîyo çimeyê fikir û felsefeyê azad'

 

Zeynebe dîyar kerd ke dewleta tirkî qanûnê mîyanneteweyî Zîndanê Îmrali de kena û wina vat: "Dewleta tirkî seba emrê alozîyan derg bikera, tecrîdêko giran serê Rayber Apo de kena. Hêrişê ke ewro serê şarê ma de yenê kerdene hetê dewleta tirkî ra amancê nê komployî yê. Dewleta tirkî seba berjewendîyê xo bi ca bîyara komelan qir kena. Raşt o komployê 15ê Sibate ma rê giran bi, la Rayber Apo ma rê nê da dîyarkerdene ke êdî Zîndanê Îmraliyî çimeyê fikir û felsefeyê azad o. Reynê bi perspektîfê Rayber Apo ruhê têkoşînî ma dir gane bi û omidê ma bi fikro azad serkewtişê pîl qetî kerd.

 

'Do îradeyê şarî serkewte bo'

 

Zeynebe dîyar kerd ke tecrîdê serê Rayberê PKKyî Abdullah Ocalanî problemê Rojhelato Mîyanên kûr keno û wina qedêna: "Sîstemê Neteweyê Demokratîkî ke Rayber Apo pêşkêş kerdo, çareserî pêro problemê Rojhelato Mîyanên o. La seba sîstemê netew-dewletî nê projeyî sey tehluke serê berjewendîyê xo vînenê, serê Rêber Apo giran kenê. Ma a bawerî de yê ke îradeyê şarê ma serkewte bo û komployê 15ê Sibate veng vejîyo."