Berçem Cûdî

 

KOBANÊ - Cinîyê kurdî û erebî yê Kantonê Kobanî û bajarokê Sirînî komployê serê Rayberê PKKyî Abdullah Ocalanî şermezar kerdî û wina vatî: "Pêgirewtiş û sîstemo ke ma binê sîwanê ci de ciwîyenê, mesajo tewr xurt ê seba hêzê hegomonîk o. Sewbîna rêxistinbîyayîşê cinî vera komployî cewabêko xurt o"

 

Derheqê serrgera komployê mîyanneteweyî yê serê Rayberê PKKyî Abdullah Ocalanî de ame kerdene de, cinîyê kurd û erebî yê Kantonê Kobanî û bajarokê Sirînî ajansê ma rê qisey kerdî. Cinîyan fikrê xo ardî ziwan û vatî ke qetî ê do têkoşînê azadîya Rayberê PKKyî Abdullah Ocalanî bngeh bigîrê.

 

'Cinîyê erebî xeyrê Rayber Apo resayî azadî'

 

Ferdos Kino ke bajarokê Sirînî de tecrîd şermezar kerd û wina vat: "Rayber Apo bi 22 serrî yo mîyanê tecrîdêko giran de yo. Komele û dewletê ke xo sey pawitoxê heqê merdiman ramojnenê, bê helwest manenê. Ma seke cinîyê erebî Vakur û Rojhelatê Sûrîye, bi xeyrê felsefeyê Birêz Abdullah Ocalanî resayî na sewîya. Seba nê pêgirewtiş û sîstemo ke ma binê sîwanê ci de ciwîyenê, mesajo tewr xurt ê seba hêzê hegomonîk o. Ma tecrîdê serê Rayber Apo bi şîdet şermezar kenê û ma do bicaardişê bîrdozî nê tecrîdî biqedênê."

 

'Ma bi bîrdozî azadî ciwîyenê'

 

Yazî Xelîl ke bajarokê Sirînê de ya komplo ercna û vat: "Hêrişê serê Vakur û Rojhelatê Sûrîye bingehî de projeyê Neteweyê Demokratîk hedef gêno. No model çimeyê xo felsefeyê Rayber Apo gêno, seba nê hêrişê ke ma ci dir rî bi rî manenê, yeno manaya dewamkerdişê komployê mîyanneteweyî. La êdo nêeşkê ma bi komplo çin bikerê, seba ke ma bi felsefeyê Rayber Apo ciwîyenê. Ma seke temamê şarê Vakur û Rojhelatê Sûrîye bi reng, nasname û rastîyê xo bîrdozîyê Rayber Apo bingeh gênê û yewîya xo tewr bi hêz kenê. Seba nê 22yîn serrgera komployê mîyannetewî de vanê ke Rayber Apo seba azadîya cinî û komelê bindest Girawa Îmrali de bê mabên têkoşîn keno. Ma do têkoşînê azadîya Rayber Apo bingeh bigîrê."

 

'Rêxistinbîyayîşê cinî hemverê komplo cewabêko xurt o'

 

Xanim Îsa ke qezaya Şêranî ra ya dîyar kerd ke ê do têkoşînê xo dewam bikerê û vat: "Hêzê hegemonîk wexto ke 1999 de Rayber Apo tepiştî, fikirayî ke do şarê Kurd çin bibo û felsefeya Rayber Apo zî Girawa Îmrali de sînordar bimano. La bi milyonan kesî felsefeyê Rayber Apo bingeh gênê û taqîb kenê. Ma sey cinî deyndarê Rayber Apo yê ke ma bi xeyrê ey rastîyê cinî û ciwîyayîş nas kerd. Coka ma do têkoşînê xo bêmabbên dewam bikerê. Rêxistinbîyayîşê cinî vera komplo cewabêko xurt o."