ŞIRNEX - Tepişteya nêweşe Tenzîle Acara ke teşhîsê Hepatît B ci rê ame ronayene, her ke şino rewşa aye tewr giran bena. Tenzîle dimayê ke tewr peyîn şî nêweşxane seba kontrolî, ame dîyarkerdene ke werem bîya.

 

Tepişteya nêweşe Tenzîle Acar (23) ke 2017 de Stenbol de ameye tepiştene û Zîndanê Cinîyan ê Bakirkoyî de teşhîsê Hepatît B ci rê amebi ronayene. Tenzîle ke qirika aye ra gonî ameyîne û wedarnayî nêweşxane, dimayê cigêrayîşî ame kerdene de vejîya werte bi nêweşîya weremî kewta.

 

Tenzîle verê di rojan telefonê dayîka xo Rasmiye Acar kerdibi, dîyar kerdibi ke qirika aye ra gonî yena, wedarnayê nêweşxane û hewteyêko hucreyê yew kesî de manena. Dayîka Rasmîye seba kênaya xo vengdayîşê hîsgêrî kerd.

 

'Tedawîya kênaya mi nîno kerdene'

 

Rasmîye wina bale ant serê vatişê Tenzîle: "Nêweşîya kênaya mi her ke şino aver şino. Kênaya mi verê di rojan bi telefonî mi geyra û mi ra vat, 'qirika mi ra gonî yena.' Verê çend rojan kênaya mi berdê nêweşîya û reyke bîn dima ra ardê zîndan. Kênaya mi bi hewteyêk hucreyê yew kesî de yena tepiştena. Ez seba nêweşîya kênaya xo endîşeyîn a. Rewşa kênaya mi roj bi roje giran bena. Ganî serbest bêra veradayîş. Nêweşîya aye ver bi xirabî şina. Qirika aye de gonî yena û nêeşkena boye bêro. Kênaya mi key berê nêweşxane kenê yew hucre. Tedawîya kênaya mi nîna kerdene."

 

'Edalet û hûquq çin o'

 

Rasmîye dewam de wina vat: "Tutanê ma zîndanan de terkê mergî kerdê. Wa kênaya mi Tenzîle û hem tepişteyî bînî bêrê tahlîyekerdene. Ma nêwazenê tutê ma bimrê. Wa waştişê tutanê ma bi ca bîyarê. Tutanê ma yê nêweşî nêeşkenê zîndanan de manenê. wa tutanê ma veradê, ma do biewnê înan ra. Edalet û huqûq çin o."

 

'Ma do bibê vengê tepişteyan'

 

Rasmîye, bale ant serê grevê vêşanîye zîndanan û wina vat: "Seba waştişê înan bi ca bêrê, çalakîya grevê vêşanîye dayê destpêkerdene. Ganî waştişê tepişteyan bi ca bîyarê ke çalakî peynî biba. Ma do bibê vengê tepişteyan