Rûperîn Bekir

 

ŞEHBA - Cinîyê Kantonê Şehbayî derheqê girîngîyê yewrêzîyê kurdan de dîyar kerd ke yewîya kurdan gamêka pîroz a û vatî: "Ganî şarê Kurdî nê çî xo rê sey îmkan bivînê. Eke yewîya kurdan bêra awankerdene, do dinya de bibê hêzeko xurt û do dewa û problemê ma çareser bibê."

 

Cinîyê Şehbayî derheqê girîngîyê awankerdişê yewrêzîyê kurdan de ercnayîş kerdî. Cinîyan vatî: "Yewîya kurdan cewaabêko tewr pîl o dişminanê ma rê."

 

'Bi yewîye do kurdî dinya de bibê hêzêko bi tesîr'

 

Îdarekara Meclîsê Qezaya Fafînî Ferîh Ehmed, dîyar kerd ke xeylêk astengî derheqê yewîya kurdan de yenê averbîyayîş û vat: "Seba ke yewîyêke kurdan bêra awankerdene, xeylêk dîyalogî yenê averbîyayîş, la bi sebebê destkerdişî hîn dewletê sey dewleta tirkî û tesîrê înan ê serê hîn partîyê kurdî, xeylêk astengî vejênê. Sîyasetê dewleta tirkî nêwazena ke kurdî bibê yew û dewletê mîyanneteweyî zî goreyê berjewendîyê xo têgeyrenê. Eke yewîya kurdan bêra awankerdiş, do kurdî dinya de bibê hêzêko xurt. Eke bêro vîrê ma, demo ke her kes seba berjewendîyê xo têgêrayîne, Kurdistan bi çar parçe. Ganî pêro merdimê kurdî seba yewîya xo têbigeyrê."

 

'Yewîya kurdan cewabêko tewr pîl yê dişminê ma rê yo'

 

Temsîlkara Meclîsê Qezaya Fafînî Zeyneb Qasêm bale ant serê lazimîyê yewbîyayîşê her kurdî û wina vat: "Yewîya kurdan cewabêko tewr pîlî yê dişminê kurdanî rê yo. Seba nê lazimîyê her merdimêke bi yewîye esto. Vengdayîşê ma pêro partîyanê ma kurdan rê esto ke destê xo bidê yewbînan û plananê dişminan veng vejê."

 

'Yewîya ma do dewa û problemanê ma çareser bikera'

 

Îdarekara Komîteya Cinîyan ê Qezaya Fafînî Sewsen Xelîl dîyar kerd ke yewîye gamêke zaf girîng a û lazim a û wina vat: "Yewîya kurdan seba ma gamêka zaf girîng a. Ewro ma sey şarê Kurdî prosesê xidar de ciwîyenê. Dişmin her hat ra hêrişê ma keno. Wa ma nêbê dişminê yewbînan û kongreya kurdî demêko nêzdî de bêro organîzekerdene. Yewîya ma do dewa û problemanê ma çareser bikero. Ma pabeyê yewîye yê."