Ferîde Zade

 

ŞEHBA - Hemsereka Meclîsê Kantonê Şehbayî Wefa Hisên, derheqê serê Şehbayî û bêvengîya mîyanneteweyî de wina vat: "Welatîyê Şehbayî do rayîrê tekoşînê hemverê heme tewirê hêrişan û bêvengîya hemverê îşxalkerdişî dewam bikerê."

 

Destpêkê alozîyê mîyanê Sûrîye de heta nika Şehba her dem bi hedefê hêrişan. Dimayê hêrişê serê Efrînî, welatijê Efrînî, Şehbayî de bi ca bî. Labelê hêrişê dewleta tirkî û komê girêdayê ci peynî nêbi. Sewbîna ablûqakerdişê Rejîmê Sûrîye yê Şehbayî zî beno sebebê kûrbîyayîşê alozîyan. Derheqê babete de Hemsereka Meclîsê Kantonê Şehbayî Wefa Hisên ercnayîş kerd.

 

'Ti sazgehê merdimî bi wezîfeyê xo nêwirzenê'

 

Wefaye kerdişê dewleta tirkî ya derheqê sivîlan yê li Şehbayî de şermezar kerd û wina vat: "Destpêkê alozîyê Sûrîye de, şar rastê hêrişan yeno û ma her wext vînenê ke dinya mîyanê bêvengî de manena. Şar bi têkoşîn û xoverdayîş wayîrê dewaya xo vejêno. Şehba de şar yeno topvarankerdiş. Hêrişî dewam kenê. Qirkerdişê Til Rifetî de pêwa tutan, 10 kesî dinyaya xo bedilna. Sewbîna reya diyîn zî dewleta tirkî derheqê sivîlan de qirkerdiş kerd û netîce de 2 tutî û cinîyêke dinyaya xo bedilnayî. No wehşeto ke vera sivîlan yeno kerdene, vernîya pêro çimê dinya de yeno kerdene. Nê hêrişî tena Şehba de ney, Efrîn, Serêkanî, Girê Spî û cayê Şehbayî yê îşxalkerde zî reyna benê."

 

'Hêrişê îşxalkerdişî nêeşkenê têduştîyê şaran berê'

 

Wefa dîyar kerd ke hêrişê dewleta tirkî nêresenê amancê xo û wina vat: "Hêrişê dewleta tirkî do nêresê amancê xo. Pêwa ke hêrişê xidar bî, la şarî fek ca û wareyê xo ra vera nêda. Tewr zêde girêdayîşê înan bi xoverdayîşî virazêno. No pêgirewtişê mabêne pêkerdişan de nêro şiknayîş, verpayê ci do xurt bo. Ma do bi hêz û têkoşînê xo peynîya nê kerdişan bîyarê. Helwestê komelê mîyanneteweyî  û tesdîqkerdişê înan ê hêrişan dîyar bi, seba nê welatijê Şehbayî do rayîrê têkoşînê hemverê heme tewirê hêrişan û bêvengîyê vera îşxalkerdişî dewam bikerê."