Gulîstan Azak

 

AMED - Guler Denîz esnafa bazarî ya û eynî wextî de zî hunermend a, cuya aye de huner û ekonomî mîyanê yewbînan de yo. Gulere dîyar kerd ke wareyê xebate perçeyêke têkoşînê azadîya cinsî yo.

 

Bêtêduştîyê cinsîyetî yê komelê Tirkîya bi polîtîkayê îqtîdarî her ke şino tewr giran beno û vera nê zî têkoşînê cinîyan pîl beno. Vera hêrişê hemverê destkewtiş û heqan têkoşînê cinîyan beno qalxan. Cinî vera dêsê hemverê înan yenê waştiş ke bêrê ronayîş, bi hêzê hemcinsanê xo gênê û ciwîyayîş de qerarê hîn zelal gênê û wareyê karî de vera bêtêduştîya cinsîyetê komelî sere wedarnenê.

 

Gulere Denîz, aye hem esnafa bazarî ya û eynî wextî de zî hunermend a. Seba nê wareyê ekonomî û hunerî de têkoşînê xebate û cinsî dana. Gulere seba xo rojê dişeme, rojê betlane dîyar kerda û seba ke pandemî de peynîya hewteyî qedexe yê, keye de ya û rojê bîn siba rew şina bazar û tezgahê xo akena. Huner zî seba aye her ware de yo. Gulere ke hunerê xo bazar de dewam kena, dem bi dem sazê xo gêna destê xo û moral dana esnafan. Gulere ke karê xo bazar de qedênena, şina Komeleya Kulturê Amedî û wextê ke xo dana huner.

 

'Karê mi parçeyêk têkoşînê cinsî yo'

 

Gulere dîyar kerd ke 7 serrî verê dest bi karê bazarî kerda û vat, karê ke kena zî parçeyêk têkoşînê aye ya cinsî yo û vat: "Ez karê bazarî ra hez kena. Xebata tîya parçeyêk têkoşînî yê min ê cinsî yo. Tay kesan vat, 'Bazar karê cinîyan nîyo û ti nêeşkena bikerê.' La 7 serrî yo mi cewabê înan dayo. Keye, derûdor û welatîyê ke yenê bazar bi mi sereberz ê. Bêguman no mi kêfweş keno."

 

'Ekonomî kêfê bazarî zî vinî kerd'

 

Gulere bale ant serê ekonomî û wina vat: "Rewşa ekonomî bêguman ma bêzar kerdê. Kes nêeşkeno çîyêk bigîro. Pandemî zî tesîr serê krîzî de kerd. Rojê xebate bi sînor ê. Seba qedexeyê tebervejîyayîşê kuçeyan ez hewte ra 4 rojan xebityena. Ma vera qezencî zirar kenê."

 

'Karê ke ez cira hes kena mi kêfweş kenê'

 

Gulere ke Merkezê Kultur û Hunerî ya Cîgerxwîn, ke 4 serrî verê hetê qeyûm ra ame tayînkerdiş ra agêra merkezê şarî, konservatuar ra mezûn bîya û derheqê babete de wina vat: "Cuya mi de huner û ekonomî têmîyan o. Lazimîyê ekonomî û hunerî pê dir esto. Mi xeylê cayê hunerî de ca girewt. Ez nika folklorî de ya. Karê ke ez ci ra hes kena de xebate mi kêfweş kena."