MERKEZÊ XEBERAN - Hûmara menga sibate ya Newaya Jin  bi manşetê 'Hemkarîya bêpeynî ya dewleta tirke do peynîya PDKyî bîyara' vejîyaye.

 

Hûmara menga sibate ya rojnameyê Newaya Jin  bi manşetê 'Hemkarîya bêpeynî ya dewleta tirke do peynîya PDKyî bîyara' vejîyaye.

 

Na hûmara de Endama Konseya Hemserekîye ya PYDî Foza Yûsif reyde roportajêk esto. Foza ercnayîşê xo yê derheqê şerê Sûrîye pare kerd û ramojna ke têkilîyê PDKyî bi dewleta Tirkî dir çiqasî zerar dano berjewendiyê neteweyî. Sewbîna girîngiyê projeyê neteweyê demokratîk zî ramojna.

 

Humare de Zerya Gul, Muriele Gonzales Athenas û Gulîstane Îke Komployê Mîyanneteweyî û tecrîdê Îmraliyî ser o nuşt. 

 

Rojnamegere Bêrîtane Zagros zî nuşteyê xo de bale ancena koçberanê êzidîyan ê Dihokî ke demê peyîn de bi xokiştişê cinîyê Êzidî kewtî rojev. Bêrîtan dîyar kerd ke têkilîyê roniştixê kampe bi tebir dir qedexe yo, sey esîran ê û dîyar kerd ke PDK ke bi nameyê koçberan hetkarîyê hêzê mîyanneteweyî gêno, bi rayîrê vêşanverdayîşî hewl dano multecîyan terbîye bikero.

 

Rojname na humare de ca dano Kampanyaya '100 Sebebê Seba Hukmkerdişê Dîktatorî'. 

 

Reyna Sara Aktaş zî nuşteyê xo de qaya cigêrayîşê rûtî kena. Rojname reyna karanê Jineolojî ser o zî vindeno.