ŞIRNEX - Çawişo pispor Aslan A. ke Şirnex de hemverê tutêke hêrişê cinsî kerdibi, bi sûcdarîyê “îstismarê cinsî yê hemverê tutan" û “tehdîdkerdişê bi çekî” do siba yewin roniştişê dewaya ey 1in Dadgeha Cezaya Esliyeyê Şirnexî de bêro vînayîş.

 

Merkezê Şirnexî de Çawîşo Pispor Aslan A. ke 1ine Tûgayê Kumando yê Leşkerî wezîfedar o, 14ê Temmuze 2020 de vera tutêke hêrişê cinsî kerdibi. Serê qêrînayîşê tute, kesê ke derûdorî de bî şîbî cayê hedîse, tute xelas kerdibî û çawîşo hêrişkar girewtibi teslîmê polîsan kerdib. Aslan A. ke ame tepiştiş, dimayê Mudurîyê Polîsan îfade da, dima ra sewqê Edlîya Şirnexî amebi kerdiş. Dozgerî îfadeyê Aslan A. girewt, bi sucdarîyê “Hêrişê cinsî" û “Bi çek tehdîd kerdiş" bi waştişê tepiştişî ê sewqê Dadgeha Cezaya Sûlhî ya Şirnexî kerdibi. Dadgehe 15ê Temmuze 2020 de derheqê Aslan A. de qerarê tepiştişî da û erşawitî zîndan.

 

Ca dayî dîmenan

 

Derheqê çawişo pispor Aslan A. ke cipersayîşê ci dewam kerdêne, dimayê hedîse bi 6 mengan îdaname ame amadekerdiş. Îdanameyo ke hetê Serdozgerîya Komare ya Şirnexî ra ame amadekerdiş de dîmenê hêrişî û dimayê hêrişî ca girewtî. Îdanameyî de bi sucdarîyê "hêrişê cinsî yê hemverê tute" û "tehdîdê bi çeke" seba çawişê pispor Aslan A. heta 17 serran ceza yeno waştiş.

 

Yewin roniştişê dewa siba yo

 

Îdanameyo ke ame amadekerdiş de hetê 1ine Dadgeha Cezaya Esliyeyê Şirnexî ra ame qebulkerdiş. Yewin roniştişê dewa do siba 1ine Dadgeha Cezaya Esliyeyê Şirnexî de bêro vînayîş.