AMED - Endama Heyetê Îdarekarîya TTO yê Amedî Çagla Îzcî, dîyar kerd ke grevê vêşanîye yo serrê ameyox de eşkeno texrîbato tewr pîl abikero û vat: "Yeno pawitene ke nêweşîya 'wernîcke korsakoff' ke beno sebebê vinîbîyayîşê hişî tewr lez bêra vînayene."

 

Zîndanê Tirkîya û herême de bi amancê tecrîdê serê Rayberê PKKyî Abdullah Ocalanî bêro wedaritene û binpaykerdişê heqan yê zîndanan peynî bibê, 27ê Teşrîna Peyêne de grevê vêşanîye yo bêdem û bidor ame destpêkerdene û roja 61ê de dewam keno.

 

Endama Îdarekarîya Odaya Tabîbê Tirk, Çagla Îzcî prosesê grevî û problemê ke dimayê grevî vejênê werte ercna û vat, ganî grevî peynî bibê.

 

'Beno ke taxrîbat hîn zêde giran bê'

 

Çagla dîyar kerd ke 2018 de çalakîya grevê vêşanîye ke tepişteyî kewtibî û nêzdîyê 200 rojî dewam kerdibi, texrîbatê mende awan kerdibi û nê texrîbatan ra tewr zêde ame vînaye; veng nêeşnawitiş bi. Çagla wina vat: "Tepişteyê ke verê kewtê grev eşkenê bi nêweşê giranî bikoyê û kesê ke ciwan bê, nêweşîyêke înan çinbo heta 40 rojî texrîbatê cidî ser de nêvînenê. La sey ke yeno zanayîş tepişteyî demêko nêzdî de reyna kewtibî grev. No proses dewam bikero do nêweşî vejîyê werte û texrîbatê pîlî vejîyê werte. nêweşîya ‘wernîcke korsakoff’ ke bena sebebê vinîkerdişşê hişî, tewr leze vejêna werte."

 

Çagla dîyar kerd ke grevê vêşanîye eşkeno bi hawayêko giran derbaz bo û vat: "Rewşa normal de eke kesêk/e hewcedarîyê awe, şekir û sole bigîro heta roja 60yî eşkeno/a şêro. La kesêk/e her wext bikewo/a grev, heta roja 60î eşkeno/a krîzê qelbî derbaz bikero. Beno ke ameyox de no zaf bêro ciwîyayîş."

 

'Ganî dermankerdişê rojane bêrê kerdene'

 

Çagla vat ke ganî doktorê zîndanan na babete de xesas têbigeyrê û vat: "Ganî refakatwanê tepişteyê ke kewtê grev bibê. Ganî rewşa tecrîdî sey hucreyî çin bo. Ganî demrankerdişê rojane bêrê kerdiş. Yê kewtê ke grev ganî rojane lître û nîm awe bişimnê. Ganî vîtamînê B bigîrê. Ganî şîyayîşê heyetan nêro astengkerdene. Seba pandemî cuya tepişteyan di rey keweno tehluke."

 

'Ganî bêvengî çinbo'

 

Çagla tewr peyîn vat ke ê sey hekîm û odaya meslegî vanê, ‘ganî azadî û weşîye rê tasaruf nêro kerdene' û wina vat: "Ganî waştişê tepişteyan bi ca bîyarê. Ganî kes vera nê bêhîsgêr nêbo.  girtiyan bên cih û grev bidawî bin. Ganî hetê klînîk de tu çî tepişteyan rê nêro ferzkerdiş û babeta waştişan de pêkerdiş biboû verê ke rumetê merdimayî zirar bivîno, grev peynî bibê. Waştişê ma no yo."