AMED - Zîlan Yamankiliç û di kesî bînî netîceyê pirodayîşê wesayîtê zirxî de dinyaya xo bedilna bî. Seba gumanbar polîs Burhan Kolbaşi sebebê cezaya pere ame eşkerakerdiş. Dadgehe qerarê bi sebeb de, gumanbar bi qusur vîna û eynî wextî de cezaya ci vist.

 

Licê de 19ê Hezîrana 2017 de mînîbusa ke şîne Amed, bi wesayîtê zirxî ke vera ci ameyîne, yewbînan rê qelibyayî û netîce de wendekara mektebê sereyîne ke şîne sinifa 4ine Zîlan Yamankiliç, şoforê mînîbuse Remzî Menteşe û rayîrwan Îlhan Ayaş dinyaya xo bedilnabî. Hetê serdozgerîya Komare ya Amedî ra îdianame ame amadekerdene û sûcê ‘teqsîrî bîyo sebeb merdişê yewî ra zêdeyêr' 2 serran ra heta 15 salan ceza ame waştiş û roniştişê qerarê 15ê êlule 2020 de 3ine Dadgeha Cezaya Giran ya Amedî de ame vînayene. Seba gumanbarî 4 serrî û 2 mengî ceza ame dayene û na ceza açarnayî cezaya pere ya 45 hezar û 600 TL.

 

Dadgehe ewil ceza da dima ra zî xelat kerd

 

Dadgehe derheqê gumanbar Burhan Kolbaşi de sûcê ‘teqasîrî bi sebebê merdişî yewî ra zêdeyêr' û seba zirarê ke vejîyayo meydan û hûmara mexduran dayî verê çiman û 5 serrî ceza ame wendiş. Heyetî, vîyarteyê û poşmanîyê gumanbarî  verê çiman de girewt û ceza vist 4 serrî û 2 mengan. La na ceza vurnayî 45 hezar û 600 TL.