Sema Çaglak

 

AMED - Derheqê grevê vêşanîye de vengdayîşê keyeyan û merdimê tepişteyan seba hîsgêrî dewam keno. Keyeyê tepişteyan êdî no tecrîd her tewir nîno qebulkerdiş û vatî: "Wa êdî dayîkî dej û jan nêancê, eke no tecrîd werte ra wirzo do zulm zî biqedo."

 

27ê Teşrîna peyêne 2020 de tepişteyê sîyasî yê zîndanê Tirkîya, vakurê Kurdistanî de vera tecrîd serê Rayberê PKKyî Abdullah Ocalan û binpaykerdişê heqê zîndanan dest bi grevê vêşanîye yê bêdem û bidor kerdî. Keye û merdimê tepişteyan ke çalakîya grevê vêşanîye de yê û sazgehê sivîlî seba bale biancê serê çalakî vengdayîşê hîsgêrî û wayîrvejîyayîşî kenê.

 

'Wa êdî dayîkî dej û jan nêancê'

 

Hamza Yildiz(22) nê tepişteyan ra yew o û nêzdîyê 5 serrî yo zîndanê Tîpê D yê Amedî de tepişte yo. Dayîka Hamza, Turkan Yildiz dîyar kerd ke tutê înan bi serran o bêsebeb tepişte yê û vat: "Ma sey keyeyê kurdî bi serran o bi hesretê tutanê xo yê. Hewteyêk verê tutê mi gêra û vat, 'ma baş nîyê, ma xo ver danê.' Teda û îşkence tutanê ma rê yeno kerdiş. Nê îşkence û tehdîtî her wext serê tepişteyan de estbî. Verê nê zî seba nê kewtî grev û lajê mi reyna ci de bi. Ma keyeyan zaf ant, perçeyêk nan qirêke ma ra nêşîne war. Netîce de tutanê ma zaf zirar dî. Nika reyna ame destpêkerdiş. Wa êdî dayîkî dej û jan nêancê."

 

'Eke tecrîd wirzo do zulm zî biqedo'

 

Turkane tewr peyîn wina vat: "Seba ke êdî dayîkî nêbermê ganî destê xo bidê yewbînan. Pêro dayîkî seba tutanê xo dejenê. Weşîya lajê mi baş nîya. Bi korona kewtibi. Çiqas tutê ma vajê ma baş ê, ma zanê ke baş nîyê. yê ketibû. Ango zarokên me çiqas ji me re bêjin em baş in jî dîsa jî em dizanin ku nebaş in. Cuyêka bi rûmet û weş e heqê heme ciwananê ma ya û şarê kurdî ya. Wa êdî berê zîndanan abo, sey verê wa zîndanan ra cenazeyî nêvejîyê. Tepişteyî vanê ke tecrîd wirzo, do zulm û îşkenceyê serê înan biqedîyo."

 

'Heta ke ma şinê pêvînayîş ma perîşan kenê'

 

Mehmet Kirik (24) nêzdîyê 2 serrî yo Zîndanê Tîpê D yê Amedî de tepişte yo. Dayîka ci Behîye Kirik dîyar kerde ke zîndanan de pêro çalakî ameyê sînorkerdene û wina vat: "Gama ke ez şina pêvînayîşê lajê xo ez zaf zehmetîyan ancena. Prosesê pêvînayîşî de hetê cilan de ma rê probleman vejenê. Heta ke ma şinê pêvînayîş ma perîşan kenê. Sewbîna hetê qiseykerdişê telefonî de zî ma xeylêk probleman ciwîyen. Wexto ke telefon kenê bi saetan ma bende manenê. Vanê ke telefon xirab o yan zî sebeban ramojnenê."

 

'No tecrîd êdî nîno qebulkerdene'

 

Behîye tewr peyîn qiseykerdişê xo wina qedêna û vat: "Ma keyeyî tutanê xo dir zaf xemgîn ê. Gama ke mi arayî kerdêne lajê mi gêra û vat, 'ma kewtê grev.' Ma nêzdîyê 3-4 rojî ma nêeşka bi rehetê nan biwerê. Wa waştişê înan bica bêrê û tutê ma nêkewê grev. Gama ke ma înan pêvînayîş de înan vînenê rewşa înan zaf xirab asena. No tecrîd nîno qebulkerdene û wa şar êdî bêvengî xo bişikno. Ma veng danê ke no zulm peynî bibo."