WAN - Pêwa şert û mercê zehmet yê dewe, cinîyî dest herra xo ra vera nêdê. Cuya xo mîyanê xoza de derbaz kenê. Cinîyê dewe Surp Dîgînî ciwîyenê, hamnanî vejênê qerajê koyan de vaş kom kenê, zimistanî zî heywanan wey kenê.

 

Awanbîyayîşê komelê ehlaqî û polîtîk heta nika cinî bi keda xo bî merkezê cuye. Cinîyan her wext vera nê xo ver dayê. Xoza heta nika ekonomî û weşîye rengê cinî vejênê werte û baro tewr giran reyna serê milê cinîyan de yo. Dewa Surp Dîgîn ê qezaya Şaxî ya Wanî de cinîyê ke karê baxçe, komkerdişê gozan, heywanan wey kenê. Menga zimistanî zî tena bi heywanan wey kenê. Seba tedayê dewlete û şert û mercê zehmet yê dewlete her çiqas qezaya koçberî zêde bo zî yê ke mendê zî bi cuyêka hempar cuya xo dewam kenê.

 

'Ez berardişê keda destê xo roşena'

 

Safîye Alîtaş ya 23 serrî yo ke seba tedayê dewlete dewa Arkanis koçê Surp Dîgîn bîya û wina qal kerd: "Mi nêweşt ez herra xo ra dûr bikewî. Seba nê ma ameyî cayêk nêzdî. Cuya mi mabêne nê koyan de derbaz bena. Ma debara xo bi pesdewarî kerdêne. Mi bi şit, penîr û mastê xo debara xo kerdêne. Seba daweta lajê xo, mi pes rotêne. Nika ez bi berardişê ke bi destan viraznena, debara xo kena. Pûncan, çîtan viraznena. Şîyayeyê pûncêke 20 TL û ez bi 25 TL roşena. Merdimî nêeşkenê bigîrê. Ma wina  debara xo kenê. Tîya ma debara xo bi pesdewarî û masîgêrî kenê.

 

'Ma şinê zozanan'

 

Safîye dîyar kerd ke bi wisarî dir qeza zaf weş beno û taybetî zî nê mewsîmî de cinî şînê ko û nebatê sey; siyabo, mendê, kînger kom kenê û vat: "Ma nebatê xo seba zimistanî wişk kenê. Wexto ke pesê ma bî, cuya ma baş bî. La dimayê nê debara ma zehmet bî. Çi heyf, cayê karî çin o."

 

'Ez cuya tîya hes kena'

 

Safîye peynîya qiseykerdişê xo de dîyar kerd ke pêwa cuya tîya zehmeta zî la cuya dewe ra hes kena û wina qedêna: "Ez cuya dewa ra hes kena. Hewa pak o. Her kes yewbînan nas keno. Ma rewşêke zehmet de bê zî ma zanê do dest bidê ma. Seba nê zî ez dewa xo ra nêşina cayêk zî."