MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene bi koma 11ine roja 55ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, bi koma 11ine roja 55ine de dewam keno

 

Parlamentera Partîya Demokratîke ya Şaran (HDP) Serpîl Kemalbay, dîyar kerd ke tepişteyî binê tecrîdî de yê û vat: Ganî ma û kesê ke teber de yê seba tepişteyan têkoşînê xo girs bikerê. Tena HDP ney, ganî pêro derûdorê ke demokrasî pawenê, wayîrê têkoşînê tepişteyan vejîyê.