STENBOL -  4 kitabê ke seba tepişteya bi nameyê Reyhan Çoşmuşlu ke Zîndanê Cinîyan a Bakirkoyî de manena ameyî şawitene, bi sebebê Kurdkî bî ameyî serdestkerdene. Îdarekara MA-TUHAYDERî Fatma Akaltun bale ant serê tedayê zîndanan ke zêde bîyê û vat, ganî reaksîyonê komelî vejîyo werte.

 

Tepişteyan bi amancê tecrîdê serê Rayberê PKKyî Abdullah Ocalanî bêro wedaritene û peynî binpaykerdişê heqan yê yenê ciwîyayîş bêro 27ê Teşrîna peyêne de dest bi çalakîya grevê vêşanîye kerdî. Binpaykerdişê heqan yê zîndanî roj bi roje yê newe zêde benê. Tepişteya bi nameyê Remzîye Coşmuşlu zîndanê Cinîyan ê Bakirkoyî de manena û hewteyê vîyarte de merdimêke aye şî pêvînayîş, 4 kitabê yê Selîm Temo, Evîn Şîkakî, Alî Aydin Çîçek û Soran Amed berd la îdarekarî bi sebebê Kurdkî ameyê nuştene, nêdayî tepişteyan.

 

Fatma Akaltun ya îdarekara Komeleya Paştdayîşî û Hetkarîya Keyeyê Tepişteyê Marmarayî (MA-TUHAYDER) ya û şîbî pêvînayîşê Reyhan Coşmuşlu derheqê babete de qisey kerd.

 

'Wa kitabê Kurdkî açernê Tirkî’

 

Fatma dîyar kerd ke hîrê serrî yo seba pêvînayîşê tepişteyan şina zîndanê Bakirkoyî û vat: “Ez zî zîndan de menda. Prosesê peyîn de tepişteyan kitabê Kurdkî waştî. Mi kitabî berdî û îdare zî girewt. Nêvatî qedexe esto. Kitaban girewtî û vatî do hîn bidê vindarnayîş. Di hewte dima ma reyna şî zîndan. Mi kitab wezîfedar ra pers kerd, vat nêameyê dayîş. Sebeb zî oyo ke jganî bê açeryê Tirkî ser. Vatî, 'bi açernê Tirkî m awina gênê.' embaza ke ez şîya verê ci aye zî vat, înan rê bi nuştiş teblîg kerdê."

 

'Bandrolê înan estbi'

 

Fatma dîyar kerd ke kitabî yê qedexeyî nêbîyê û bandrolê înan bîyo û kitabê şîîre, cigêrayîş û gramerî bîyê. Fatma reaksîyon ramojna û vat, pêwa ke bandrolê kitaban bîyo û qedexe nêbîyê zî nêgirewtê zere."

 

'Ganî tecrîd bêro wedaritene'

 

Fatma dewam de wina vat: "Ez zî 4 mengan tepişte menda. Şertê zîndanî xeylêk xirab ê. Vindertişê wezîfedaran, serdegirewtişê koxuşan, xeylêk caardişê bînî estê. Werdê înan zaf xirab ê. Tepişteyî xeylêk probleman ciwîyenê. Bi pandemî dir problemî xeylêk zêde bî. Xeylêk nêeşkenê şêrê revîr û nêweşxane. Wexto ke şinê zî yenê tecrîdkerdene. Nika tepişteyî grev de yê. Waştişê înan yê sereyîn yê tecrîdî Îmralî yo. Ganî dewlete û rayapêroyî bêveng nêmano. Ma nêwazenê na çalakî açeryayî rojeyê mergî û şehadetan. Seba ke ma tepişteyan dir bêrê têhet ma waştişname da, l anêame qebulkerdene. Seba merdimê tepişteyan zî kodê HES ferz kenê. Xeylêk keyeyî nêeşkenê bixebitnê. Hetê girewtişê kodê HESî de problem yenê ciwîyayîş. Xebatkarî bi rehetî kewenê zere, la keyeyan rê nê kenê ferz. Ganî komel reaksîyon ramojno. Tena bi keyeyan nêbeno. Ganî ma bêveng nêmanê."