MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene roja 50ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, bi koma 10ine roja 50ine de dewam keno.

 

Tepişteya nêweşe Şîvekar Ataş, bi rayîrê telefonî xo resna keyeyê xo û wina va: "Ma êdî şikinayîşê tecrîdî ney, ma wazenê tecrîd bi temamî werte ra wedarîyo. Ma wazenê her het ra rayberê ma azad bibo.”