Raperîn Bekir

 

ŞEHBA - Dayîkê Pakrewanan yê Herêma Efrînî yê ke paştdayîş danê xoverdayîşê tepişteyê zîndanan û wina vatî: "Ma do bi têkoşînê tepişteyê zîndanan tecrîdê girankerdişê yê serê Rayber Apo bişiknê."

 

27ê teşrîna peyêne 2020 de tepişteyê sîyasî yê zîndananê Tirkîya, vakurê Kurdistanî hemverê tecrîdê serê Rayberê PKKyî Abdullah Ocalan û binpaykerdişê heqan ê zîndanan dest bi grevê vêşanîye yo bêdem û bidor, kerdî. Derheqê na babete de dayîkê Pakrewanan yê Herêma Efrînî ewnîyayîşê xo pare kerd.

 

'Xoverdayîşê zindanê Amedî çimeyê xoverdayîşê şaran o'

 

Dayîka Pakrewan Reşîd, Sûreye Hebeş paştdayîşê seba çalakgerê grevê vêşanîye wina qalî kerd: "Ma çalakîya grevê vêşanîye ke tepişteyê sîyasî seba şikinayîşê, tecrîdê serê Rayber Apo, kenê, pîroz vînenê. Zîndanê Amedî de serrê 1980 de bi sloganê, "Xoverdayîş ciwîyaş o" çalakîya grevê vêşanîye dest pêkerd û şehadetê tewr pîl ameyo ciwîyayîş û heta ewro roja ma ya ewro dewam keno. Labelê heta na sanîye dewletê mîyanneteweyî çimanê xo hemverê tecrîdê serê Rayber Apo girewtê û binpaykerdişê heqê merdiman bêveng mendê. Sey dayîkê şehîdan ma do wayîrê xoverdayîşê tepişteyan  vejîyê û her wext pey rêça çalakgerê xo de bê û vengê xo dinya de berz bikerê."

 

'Ma çalakîya tepişteyan pîroz vînenê'

 

Sûreye dewam de wina va: "Dayîkê şehîdan bi ruhê xo yê xoevrdayîşî yenê nasnayene, ma do zî sey dayîkî seba ke tecrîdê girankerde serê Rayber Apo bêro şiknayîş, mîyanê çalakîyan de bê. Nika zîndanan de xoverdayîşêk bêhempa yeno kerdene, verê ey de zî dewleta tirkî sîstemê xo yê  lêşin dewam kena û wazena heme kurdan qirkerdiş ra derbaz bikera. Tepişteyê ma soz dayî ke heta tecrîd bi peynî nêbo, ê fek çalakîya xo ra vera nêdanê. Ganî ma zî sey dayîkî serê lingan de bê û çalakîya zindanan ko kenê, heta ke çalakî biresê amancê xo. Ma dayîkê şehîdan veng danê Rêxistinê Heqê Merdiman, dewletê mîyanneteweyî û CPTyî kenê ke hemverê tecrîdî bêveng nêmanê."

 

'Çalakîya tepişteyan dinya de veng da'

 

 Dayîka di Şehîdan Alan û Nalîn, Zelox Feqî xoverdayîşê tepişteyan silam kerd û vat: "Çalakîya ke zindanan de dest pêkerd, temamê dinya de veng da. Ma çalakîya tepişteyê sîyasî pîroz vînenê û ma do herwext paşt bidê çalakîya înan. Wexto ke merdim qalê çalakîya grev vêşanîye keno, hêz û îrade yeno vîrê merdiman. Ma hêzê xo yê tewr pîl Rayber Apo ra gênê. Ma seke dayîkê Şehîdan herwext wareyan de bê, heta ma tecrîd peynî bikerê."