Medya Uren

 

MÊRDÎN - Lajê Nurê Tarlak tepişte yo û tewrê grevê vêşanîye bibi. Nurê hemverê bêvengîya raya pêroyî reaksîyon ramojna û va: "Peynîya tecrîdî bîyarê. Eke waştişê tepişteyan bi ca nîyarê, ma do sey dayîkî dest bi grevê vêşanîye bikerê. Waştişê înan, waştişê ma yo û seba ke waştişê înan bi ca bîyarê, çi destê ma ra bêro ma do bikerê."

 

Hemverê tecrîtê serê Rayberê PKKyî Abdullah Ocalan û binpaykerdişê heqan ê zîndanê Tirkîya û herême de 27ê teşrîna peyêne de grevê vêşanîye yo bêdem û bidor ame destpêkerdene, dewam keno. Ewro çalakî roja xo ya 50ine de dewam kena. Seba wayîrvejîyayîşê çalakîya grevê vêşanîye û seba waştişê înan bi ca bêrê vengdayîş yenê kerdene. Bi taybetî keyeyê tepişteyan vengdayîşê hîsgêrî û paştdayîşê çalakî yeno kerdene. Dayîka tepişteyî Necdet Tarlak, Nurê Tarlak ajansê m arê qisey kerd.

 

'Ma pey waştişê tepişteyanê sîyasî yê'

 

Nurê, dîyar kerd ke tepişteyê sîyasî pêro rehîn ameyê girewtene û wina va: "Abdullah Ocalan, seba azadîya Rojhelato Mîyanên rayîrêk aştî yo. Her kes nê çî zano Abdullan Ocalan vano, eke pêvînayîş bi ca bêro, ma do mîyanê hewteyêk de çareserî bîyarê. Kesê ke çareserî nêwazenê, tecrîd giran kenê. Qebûl kerdişê tecrîdî îxanet o. Tutê ma seba hemverê nê çalakî de yê. Heta waştişê tutanê m anêro qebulkerdene, do çalakî dewam bikera. Ma sey keyeyê tepişteyê sîyasîyan paştdayîş danê înan. Waştişê înan, waştişê ma yo."

 

'Ma sey dayîkî nêwazenê nê çîyan bieşnawê'

 

Nurê, dewam de bale ant serê tecrîdî û va: "Verê ra tepişteyî problemê pîlan ciwîyenê. Sey weşî, lazimîyê rojane û sewbîna. Tehdîd û şîdetserê înan de esto. Qiseykerdişê peyîn yê telefonî de, lajê mi dîyar kerd ke werdê înan zaf lêşin o. Werdê înan de ninûk û çî bînî vejênê. Nê çî bi zanayîş kenê. Hucre de yo û kesêk nêeşkeno ci ra zanayîş bigîro. Gelo no tecrîd nîyo, çîyo. Mektub, kargo, cilê ke ma erşawitê bi mengan o nêresyê destê înan. Ma ra çi wazenê? Ma dayîkî êdî nêwazenê nê çîyan bieşnawê."

 

'Ma do înan dir têkoşîn bikerê'

 

 Nurê, tewr peyîn bale ant serê tepişteyan û vat: "Ma keyeyî heta peynî paştdayîş danê înan. Heta tecrîd nêşiko, ma nêresenê aştî. Coka ma ganî paştdayîş bidê têkoşînê înan. Hema ke şehîdî çin ê, ganî bikewê tevger. Eke lazim bikero, ma do kuçeyan de mîyanê çalakîyan de bê. Eke lazim biko, ma do bikewê grevê vêşanîye. Seba ke netîce nêbo, do tutê ma bêdor dest pêbikerê. Ma bi endîşeyîn ê. Ma do têkoşîn bikerê."