Medya Uren 

 

MÊRDÎN - Endama Meclîsê Dayîkê Aştîyê Nurê Tarlak bi serran o vera tehdîd û zordarîyan têkoşînêk dana û wina vana: "Ma dayîk ê, dayîkê aştîye yê. Pêwa heme dişminîyê înan, ma israr va aştî. Nika zî waştişê ma nêvuryeno. Şiknayîşê tecrîtî do bi xo rê aştîye zî bîyaro. Nê çi zî do paştdayîşî ma yê grevî dir bi ca bîyaro."

 

Serê nê cografya de qetî pêrodayîş kêm nêbîyo. Bi taybetî zî cinî nê şer û pêrodayîşan ra tesîr bîyê û yê ke tewr zêde hemverê şerî beyraqa sipî wedarnayê zî cinî yê. Yew înan ra zî endama Meclîsê Dayîkê Aştîye Nurê Tarlak a. Nûrê, têkoşînê azadîye ya 40 serrî yo dewam keno de, xoverdayîşêk pîl da. Ma do serê xoverdayîşê Nurê vinderê û hem zî waştişanê aye bîyarê ziwan.

 

Nurê Tarlak (55) dewa Çolê ya Nisêbînî dayîke ra bîya û dimayê ke zewicyaya koçberê Îzmîrî bena. Semedo ke o wext xeylêk dewî ameyî vengkerdene û ameyî veşnayene, welatî mecbûrî koçber bîne. Keyeyê ke koçber bîne, mecbûr metrepolan de seba debara xo pîya xebityayîne. Nurê û mêrdeyê aye zî meydanan de mîdye rotêêne û tutanê xo dayîne wendiş. Wexto ke welat de şaredarî kewte destê kurdan, êdî qerarê agêrayîşî girewtî. Nurê û keyeyê xo verê xo dayî Nisêbîn. Dimayê demêk mêrdeyê aye dinyaya xo bedilneno û bi tena sereyê xo tutanê xo kena  pîl.

 

'Her cayê cuye de bi têkoşîn mûnaya'

 

Nurê eynî wextî Nisêbîn de dest bi kar û xebatê sîyasî yê partî kena. Bi hawayêko çalak mîyanê Înîsiyatîfê Dayîkên Aştîye de kar kena. Êdî her roje heme çalakîyan de ca gêna û tutanê xo dana wendiş. Nurê vana, her cayê cuye de bi têkoşîn ameyo mûnayîş û no şeklê tewr weş yê renk dano bîyayîşê ma yo. Nurê wina dewam kerd: "Bi ameyîşê ma yê Nisêbînî dir şîdet û tehdîdê dewlete dest pêkerd û qet nêverdayî ke ma weşî bivînê. La no zî nîno a mana ke ma peyser game bierzê. Ma do heta peynî têkoşînê xo dewam bikerê. 2 tutê mi semedê nasnameyê xo her roje ameyîne destbendkerdene. Tutê mi qet peyser game nêeştî û nasnameyê xo pawitî."

 

'Pêwa heme dişminî ma aştî waşt'

 

Sere de lajê Nurê, Murat Tarlak tepişnenê û cezayêke giran danê. digirin û cezayek giran lê tê birîn. Murat semedê îşkenceyê ke giranan vîneno bi şeklêk zîndan ra remeno û xo resneno rojawanê Kurdistanî. Lajê aye Necdet Tarlak ke doktorî wendibi, yeno tepiştene û 18 serrî ceza ci rê birnenê. Necdet nika nê çalekgeranê ke vengdayîşê şiknayîşê tecrîdî kenê ra yo. O, 3 mengî verê kewtibi grev. Nurê, nê prosesan de bi Dayîkê Laçigsipîyan dir rêza vernê de ca girewtêne. Semedo ke tecrîd bişikîyo, bi dayîkan dir têkoşînêko bi hempa da. Nurê wina va. "Ma dayîk ê, dayîkê aştîye yê. Pêwa heme dişminî, ma bi israr vat, aştî. Nika zî waştişê ma nêameyo vurnayîş. Semedê paştdayîşî çalakî ma Mêrdîn ra heta Enqere şî meclîs û ma derb we. Ma dayîkî rastê heme nêzdîbîyayîşê xirabî ameyî."

 

'Ganî vera her çî ma yew bê'

 

Nurê tewr peyîn wina vat: "Bê guman yan ma verê berê zîndanan, yan zî bendeyê xebera şahadetî yê. Ma vanê no çi qeder nîyo, bi destê ma yo. Eke ma yewîyêk awan bikerê, do kes nêeşko gonîya ma birejno. Nika zîndanan de grev esto. Ganî wayîrvejîyayîşê verê ra hîna xurt bo. Taybetî zî cinî ganî hîna hêzê xo zêde bikerê. Bê guman ma do bi nê rengî tecrîd bişiknê, şer vindarnê û aştî bîyarê. Ma seke dayîkê aştî heta peynî têkoşînê xo dewam bikerê."