WAN - Cinîyê Wanijan ra Teybet Îçnaz reaksîyon vera krîzê ekonomî da û va: "Gelo dewlete, kesê ke nêeşkenê şan de nan berê keyeyê xo fikrîyena? Seba marketê înan, wesayît, teyareyê înan estê la ê ma çîyêk zî çin o."

 

Welat de seba krîzê ekonomî giran bîyo û zamê ke her wext yeno kerdene, xeylêk zor dano welatijan. Cinîyê taxa Karşiyaka ya Îpekyolî yê Wanî dîyar kerdî ke ê nêeşkenê debara xo bikerê û va, seba problemê ekonomî yê îqtîdarî çin o, problemê şarî zî xemê înan de nîyo.

 

‘Dewlete biwazo rijnena, biwazo viraznena'

 

Taybet Îçnaz dîyar kerd ke keyeyêk ra di kesî bê zî problemê ekonomî ciwîyenê û va: "Krîz esto, betalî esto. Her kes betal keyeyê xo de ronişte yo.  Ez kîra de nîya la ez nêeşkena debara xo bikera. 8 tutê mi estê, heme betal ê. Tîya hîn keyeyê qelebalix estê. Dewlete biwazo viraznena, nêwazo zî rijnena. Gelo kesê ke şan de nan nêbenê keyeyê xo înan fikirîyenê? Ney, seba market, wesayît û teyareyê înan estê. Ê ma zî çîyêk ma çin o."

 

‘Yê ke torpîlê înan esto kar vînenê'

 

Makbule Eser zî dîyar kerd ke meaşê înan hezar TL yo û wina va: "Seba ceyran û gazî zam yeno kerdene. Ma kredî ant, keye viraşt. Ez kîra de nîya. La yê ke biwazê keye bigîrê zî kewenê binê deyn. Mi na menge 300 TL fatura ceyranî da. 300 TL seba mi zaf zêde yo. Heme çî vay o. Bi 500 TL ma ten açend xida gênê. Gelo do însanî senî debara xo bikeê? Heme çî vay o. Ma 7 kes ê. Hezar TL nîno keye. Ez nêweş a. Ma gaz ant keye la seba ke ma nêeşkenê bidê ma nêxebitnenê. Kes kar nêvîneno. Ê ke vînenê zî torpîlê înan esto. Yê ke sazgehê dewlete de xebityenê, cuya xo dewam kenê. Yê ke nêxebitinê perîşan benê. Zanayîşê dewlete şarî ra çin o."

 

‘Ma yew gênê ê bînî rê çin o'

 

Încî Înana ke seba betalî 4 mengî verê bi hêvîyêk dikanê tuhafîye akerda û va: "Ez şan de zaf erey dikanê xo padana. Seba ke çîyêk bêro rotene. La kes nêeşkeno çîyêk bigîro. Ez her menge 300 Tl ceyran û 200 TL zî awe dana. Ma çay gênê, nan çin o. Ma nan gênê çay çin a. Serekkomar çi karî keno ke 80 hezar gêno. Kuçe de çew bêmaske bivînê, 3 hezar TL ceza birnenê. Do însanî senî nê pereyî bidê. Şar êdî perîşan bîyo. Berpirsîyarî heme çîyê dewlete yo. Ganî çareserîyêk bêro vînayene."