Safîye Alagaş - Sema Çaglak

 

AMED - 2 lajê Senîha Atalay tepişteye yê û lajêk aye çalakîya grevê vêşanîye de yo. Senîha veng da keye û raya pêroyî û va: "Tepişteyî êdî zulm qebul nêkenê û hemverê ci vejênê. Coka çalakîya înan çalakîyêka meşrû ya û heqdar a. Ma zî wazenê waştişê tutanê ma bêrê qebulkerdiş. Ganî kurdî bi rûmet û pey heqê xo de bê, bêveng nêmanê. Semedo ke tutê ma bêveng nêmendî."

 

Tecrîdê Zîndanê Îmralî yê vera Rayberê PKKyî Abdullah Ocalanî 22 serrî yo dewam keno. Her roja ke şino, tecrîd tewr giran beno. Pêwa nê tepişteyan, 27ê Teşrîna peyêne de bi amancê peynîkerdişê tecrîdê serê Abdullah Ocalan û şermezarkerdişê binpaykerdişê heqê tepişteyan, dest bi çalakîya grevê vêşanîye kerdî. Çalakîya ke bêdem û bidor amebî destpêkerdene bi koma 9ine roja 44ine de dewam kena.

 

Derheqê çalakîya grevê vêşanîye de vengdayîşê merdimanê tepişteyan û tepişteyan seba paştdayîşî dewam keno. Nê keyeyan ra yew zî Senîha Atalaya ke di lajê aye tepişteye yê. Omer Atalay (32) ke serra 2015 de pêrodayîşê Sûrî de amebi tepiştene, Zîndanê Tîpê D yê Amedî de tepişte yo. Lajê aye bîn zî Hasan Atalay (25) ke serra 2016 de amebi tepiştene, Zîndanê Tîpê H yê Dîlokî de yo. Hasan koma 3ine de bi û tewrê grevî bi. Dayîka tepişteyan Senîha derheqê babete de ajansê ma rê qisey kerd.

 

'Ganî ma zî sey domananê xo bêveng nêmanê'

 

Senîha destpêk de bale ant serê şert û mercê zîndanî û va: "Turê ma zîndan de binê şîdet û îşkence de yê. Ma dayîkî êdî nêeşkenê nê çîyan wedarê. Werd nêdanê înan. Kalorîferan nêfînenê ta. Seba nê binpaykerdişan, hewn nêkeweno çimanê ma. Kes nêeşkeno ê mercan wedarino. Coka çalakîya înan meşrû û heqdar a. Ma zî wazenê ke waştişê tutanê ma bi ca bîyarê. Ganî kurdê bi rûmet pey heqanê xo de bê, bêveng nêmanê. Tutê ma bêveng nêmendî o wext ma çira cayê xo de binişnê ro."

 

'Ma rewşa tutanê xo ra endîşeyîn ê'

 

Senîha dîyar kerd ke waştişê îna wedaritişê tecrîd û aştîyêke mende ya û va: "Ma semedê tutanê xo endîşeyîn ê. Di serrî verê zî kewtibî grev. Rewşa înan kewtebî tehluke. Nika zî semedê pandemî do rewşa înan xirab ba. Gama ke ez nan wena û şamî amade kena, tutê mi kewenê vîrê mi. Tepişteyî, zîndan de grevê vêşanîye de yê. Ez dayîk a, tutê ma nêweşê û tedawîya înan nîna kerdiş. Kesê ke tacîz û tecawuz kenê, bêceza manenê û ma yenê tepiştene. Semedo ke tutê ma vanê no zulm wedarîyo."

 

‘Heke tecrîd rabe dê zilm jî bi dawî bibe'

 

Senîha ard ziwan ke ê zere de keyeyî zî teber de zulm vînenê û va: "Wextê grevê vêşanîye yê verê de psîkolojîyê ma xira bibê. Wa parlamenter, rêxistinê sîvîl û heme pawitoxê heqê merdiman veng vejê. Ma nêwazenê sey verê zîndanan ra cenaze vejîyê. Senî tutanê ma semedê şarê xo bedenê xo dayî verê mergî, ganî ma zî înan rê wayîr vejîyê. Wedaritişê tecrîdî, rayîrêk mende yê aştîye yo. Eke tecrîd wirzo do zulm zî wedariyo û do berê zîndanan zî abibo."

 

'Teda û zordarî serê ma ra kêm nêbi'

 

Senîha tewr peyîn wina va: "Çend rey eştî serê keyeyê ma. Berê ma şikinayî û kewtî zere. Kes keye de çinbi la keye pêro serûbin kerdibî. Gama ke ma şî keye, persê tutanê mi kerdî. Xora tutê mi zîndan de bî. Wazenê ke bi wina psîkolojîyê ma xira bikerê. Tu heqêq înan winasî çin o. Bi zanabîyayîş wina kenê ke tewr zêde keyeyan bidejnê."