WAN - Dekewtişê Parkê Feqîyê Teyranî yê Wanî ke DBPyî do eşkerayîya yewîya neteweyî bido, hetê polîsan ra yenê astengkerdene. Welatijan reaksîyon bi sloganê, "Tedayî nêeşkenê ma vindarnê" û bi lîrînayîş astengkerdişê polîsan protesto kerdî. Polîsan mudaxaleyê girse kerd.

 

Rêxistina Partîya Herêmê Demokratîk (DBP) ya Wanî, bi tewrbîyayîşê Hemsereka KCDyî Berdan Ozturk û Hemsereka Pêroyî ya DBPyî Salîha Aydeniz, bi sloganê "Nika demê Yewîya Neteweyî û Azadîye yo" waşt ke Parkê Feqîyê Teyranî de eşkerayî bidê çapemenî. Verê ke girseyê DBPyî eşkerayî bidê çapemenî, polîsan Parkê Feqîyê Teyranî kerdî binê ablûqa û  destûr nêdayî girse derbazê parkî bibo. Girseyo ke hemserekê KCD, DBP û xeylêk parlamenterê HDPyî mîyan de seba eşkerayî bidê, verê xo dayî park. La polîsan bi wesayîtê zirxî kerdî binê ablûqa û nêverdenê ke welatijî bikewê park. Welaijê ke nêeşkenê derbazê parkî bibê, teber de bêmabên sloganê, "Tedayî nêeşkenê ma vindarnê" û "Bê Serek ciwîyayîş nêbeno” berz kenê. Mîyanê girsî û polîsan de munaqeşe dewam kerd.

 

Girse, dest bi rayrayîş kerd û polîsan a mabêne de bi bombayê gazî û awa şid mudaxileyê rayrayîş kerd. Sewbîna wareyêk do eşkerayî bêro dayene, bêmabên helikopter pereno.