STENBOL - Hemsereka Pêroyî ya ÎHDyî Eren Keskîn neql kerd ke polîsan nêverdayo aye bi wendekarê Bogazîçi ke tayînkerdişê rektorî protesto kerdibî û amebî destbendkerdene dir pêvînayîş bikera.

 

Hemsereka Pêroyî ya Komeleya Heqê Merdiman (ÎHD) Erene Keskîn neql kerd ke polîsan nêverdayo bi wendekarê ke seba protestokerdişê Melîh Bûlû yê AKPyî ke tayînî rektorîyê Unîversîteya Bogazîçî kerdî, amebî destbendkerdiş û nika Mudurîyê Polîsan ê Stenbolî de yenê destbendkerdene û nêverdenê ke pêvînayîş bêro kerdene.

 

Erene serê hesabê xo yê Twitter de dîyar kerd ke seba wendekarê tepişteyan dir pêvînayîş bikera, şîya Mudurîyê Polîsan ê Stenbolî û wina va: “Polîsan vernê de mi girewtî odaya pêvînayîşî û mi ra vatî, ‘Tîya vindere ma do wendekaran bîyarê’ dimayê demêk polîsan mi ra vat, 'Ti nêeşkena pêvînayîş bikera. Ferman cor ra ameyo.’ Heqê min yê pêvînayîşî ame astengkerdene.”