ÎZMÎR - Avûkat Rûken Arslan dîyar kerd ke qanûnê ke netîceyê ci sey, tayînkerdişê qeyûman ê seba komeleyan û sewbîna kontrolê serê komelê sivîl, do vejo teber, esas de ‘hewl yeno dayene ke vernîya vilabîyayîşê tevgerê sivîl yê girseyî bêro girewtiş û komelo sivîl bêro bêvengkerdiş.' Rûkene sewbîna dîyar kerd ke do komela tîya ra tepya zî têkoşînê huqûqî dewam bikera.

 

‘Qanûno ke derheqê Vernîgirewtişê Fînansmanê Vilabîyayîşê Çekê îmhakerdişê Girseyî’ meclîs de ame qebulkerdiş. Qanûno tewrik yê 43 madeyî de, 6 made, qanûn amanc keno û 11 made zî raste rast rêxistinê komelê sivîl eleqedar keno. Komeleya Rojawanî Heqê Merdiman Avûkat Rûkene Arslan derheqê babete de wina va: "Sey amancê qanûnî ra zî yeno famkerdiş, no derheqê fînansmanê vilabîyayîşê çekê îmhayî yê girseyî yo, derheqê îmhakerdişê komelê sivîlî de yo.

 

'Reaksîyonê ma vera madeyan o' 

 

Rûkene derheqê qanûnî de wina va: "No qanûn hema yeno caardiş û no pêkerdiş zî hîn çîyan nê qanûnî de zêde keno. Ma rêxistinê komelê sivîl vanê ke no qanûn teberê amancê binê nameyê xo de, hîn amancê bînan hedef keno û coka ma reaksîyon ramojnenê. Reaksîyonê ma vera madeyan o."

 

‘Komela do binê tedayan de bê'

 

Rûkene dewam de wina va: “Rêxistinêk sivîl ê komelî ke derheqê babetêk de guman keno û cigêrayîş keno, komelê rê zanayîş neql keno, do bi rîskê akerdişê cipersayîşê wezaretê karê zere dir rî bi rî bêro. 2016 de dimayê hewldayîşê derbeyê OHALî ame îlankerdene û bi OHALî dir komela sazgehê komelî sivîlî tesîr bî. Heme Sazgehê Komelê Sivîl yê vera binpaykerdişê heqan vengê xo berz kenê, binê tehdîdê hukmî de yê."

 

‘Do komeleyan bikerê binê kontrolî’

 

Rûkene dewamê qiseykerdişê xo de wina dîyar kerd: "Eke xerckerdişê ke bibo, seba çi beno wa bibo ganî wezaretê karê zereyî bêro xeberdarkerdiş, gumanêko qij de do defterê komeleyan reyn reyna bêrê kontrolkerdene. Komele do bêrê sewîyeya ke êdî nêeşkenê faliyetan bikerê. Seba nê zî  ma nê madeyê ke esas de wazenê çi vajê, baş zanê. Komela seba caardişêk bi hîzûr, aştî û cuyêka merdimayî yê komelî faliyetan kena."

 

‘Azadîya girewtişê xeberan yena astengkerdiş'

 

Sewbîna Rûkene dewamê qiseykerdişê xo de wina va: "Demêk derg o, ma vînenê ke kesê ke ameyê weçînayîş,  parlamenter, endamê meclîsî wezîfe ra yenê girewtene û qeyûm tayînê vera înan benê. Nika yeno famkerdiş ke nê qanûnî dir cuya demokratîke yen atehdîdkerdene, wazenê xebatê komelyn vindarnê û muxalefetê komelî bêveng bikerê. Nê qanûnî dir do heqê girewtişê xeberan zî zirar bivîno û bêro binpaykerdişî.”

 

'Hemverê unsurê qanûnbîyayîşî yo'

 

Rûkene tewr peyîn wina va: "Nê madeyê ke komelî rê ameyê kerdiş û vetiş, heme bi guman ê û seba komelî bi xeter ê. Nê qanûnî amancê çinkerdişê rêxistinê komelî hewênenê. Qanûnê Vernîgirewtişê Vilabîyayîşê Tevgerê Girseyê Komelî yo. Rêxistinê komelê sivîl do hîna zaf baldar û mîyanê paştdayîş de xebatê xo kenê. Seba betalbîyayîşê qanûnî ma do têkoşînê xo bikerê."