Gulîstan Azak

 

DÊRSIM - Sereka Pêroyî ya Baskê Cinîyan ê CHPyî Aylîn Nazliaka, dîyar kerd ke bi serrêk o nêdîyayîşê Gulîstan Doku "teberê aqilî yo" va, "Ma do erey yan zî rew xo biresnê waya xo."

 

5ê Çeleyê 2020î de wendekara Unîversîta Mûnzûrî ya beşê Averşîyayîşê Tutan bîye, zanayîş ci ra nîno girewtene. Her çend ke vinîbîyayîşê Gulîstane, Zaînal Abarakov û bamarî yê ey polîs  Engîn Y.  berpirsîyar bêrê vînayene zî derheqê înan de tu cigêrayîş nêame kerdene. Yeno îdakerdene ke Zaînal Abarakov ke vinîbîyayîşê Gulistane de gumanbar o, derheqê ci de tu cigêrayîş nêêame kerdene û vejîyayo teberê welat. Bamarî yê Zaînal Abarakov yê polîs seba ke wezîfeyê xo xirab xebitnayo, dewa ame akerdene û çarçewaya dewa de kar ra ame dûrvistene.

 

Cinîyî roja ke Gulistane vinî bîya, persê "Gulîstan Doku ça de ya?" 2020 ra persê heme cinîyan ke ameyê qetilkerdene û vinîkerdiş kenê. Cinîyê ke hem wareyan û hem zî serê medyaya komelî aqûbetê Gulîstane pers kenê.

 

Sereka Pêroyî ya Baskê Cinîyan ê CHPyî Aylîn Nazliaka derheqê Gulîstan Dokuya ke ameye vinîkerdene de ercnayîş kerde.

 

Hedîseya Gulîstane 'dûrê aqilan o'

 

Aylîne va ke vinîkerdişê Gulistan Doku nîno qebûlkerdene û nêvînayîşo ke serrêk ser ra derbaz bi, "dûrê aqilan o" Aylîne dewam de wina va: "Bi serrêke yo waya yena gêrayîş û nîna vînayîş. Senîn serrêke yo kesêka vinîbîyaye nîna vînayene. Na rewşêke nîna qebulkerdene ya."

 

'Tu kes ji me bi qasî me hemûyan ne bi hêz e'

 

Aylîne va, do persê xo yê "Gulîstan Doku ça de ya" dewam bikerê û va: "Tirkîya de xeylêk wayê ma nê hedîseyan ra bêxeber ê. Hema zî şîdet bi înan yeno kerdene û yenê qetilkerdene. Coka ma vanê ke mijangêke waya ma zî nêgino erd ro. Ma do paştdayîş bidê yewbînan û pîya bi. Seba ke tu kes qasê ma hêzdar nîyo."

 

'Ma do bi hesabperskerdiş waya xo bivînê'

 

Aylîne va ke îqtîdar hêzê cinîyan ra terseno û wina qedêna: "Muxalefeto tewr pîl yê Tirkîya cinî kenê. Wexto ke cinî bêrê têhet, tu çîyêk nêeşkê bikerê çin o. Ma do bi nê helwestî bêrê têhet û hesabê persê waya xo Gulistane bikerê."