Evîn Zenda - Nesrîn Hisên  

 

ŞENGAL - Dewa Xanesorî ya girêdayê Şengalî de şayîya sernewî ame organîzekerdene û cinîyê ke tewrç şayî bî vatî: "Sey serra vîyarte ma do emsar zî xo ver bidê û wayîrê asayîşê xo vejîyê."

 

Hetê Meclisê şarî yê Xanesorî yê Şengalî ra vizêr şayîya serneweyî ame organîze kerdene. Şayî bi tewrbîyayîşê komê muzîkî û roniştoxê dewe ra bi coşêk pîl ame kerdene. Roniştoxê ke tewrê şayî bî, ercnayîşê xo ajansê ma dir pare kerdî.

 

Zahîde Xelef derheqê serra newe de wina va: "Ma serrêke bi îmtîhan û tecrûbe peyê xo de verdayî. Na serre de şehîdê ma bî. Planê lêşin yê serê Şengalî de ameyî bi ca ardene. Verê nê de zî xoverdayîşêk bi. Ma sey cinîyê Şengalî sere de Rayber Apo, temamê gerîlayan û şarê xoverdayox pîroz kenê. Bi omidê na serre biba, serra bi hizur. Têkoşînê ma serra newe de zî do dewam bikera. Ma do hîna tewr bi hêz û bi rêxistin bê. Ma do bi her hawa asayîşê xo bipawê."

 

Nesrîn Êzidî dîyar kerd ke serrêk zehmet bî û wina va: "Çend serrêk bi zehmet bî zî serrêk bi xoverdayîş derbaz bî. Temamê dinya fermanê serê êzidîyan dî, nika wazenê bi metodêk bîn reyna bikerê. Ganî vera nê ma bêveng nêmanê. Seba azadîya Şengalî çi destê ma ra bêro ma do bikerê. Ma do xo ver bidê. Na serre do biba serra xoserîya Şengalî. Ma serrnewî Rayber Apo û gerilayan rê pîroz kenê."