Sara Şêx Hesen

 

HELEB - Îdarekara Yewîya Roşnvîran ê şaristanê Helebî Leyla Xalid, tepiştişê Hemsereka KCDyî Leyla Guven seke destdergkerdişê serê erjê cinîyan name kerd û va: "Cezaya ke Leyla Guven rê ameya birnayene, qerarêk huqûqî nîyo. Dewleta tirkî hêz û têkoşînê cinîya kurdî ra bi tirs a. Vindertişê Leyla seba înan kerdişê bêhuqûqî rê cewabo tewr bi rûmet o."  

 

Dimayê ke cezaya 22 serrî û 3 mengî Hemsereka Kongreya Komelaya Demokratîke (KCD) Leyla Guven ameye birnayene ra dima 21ê Kanûne de ameye tepiştene. Xeylêk cayen de reaksîyon vera hemverê cezaya Leyla Guven ameye birnayene. Derheqê babete de Îdarekara Yewîya Roşnvîran ê şaristanê Helebî Leyla Xalid ercnayîş kerd.

 

'Hemverê azadî dewlete sîstemê xo yê qirkerdişî aver bena'

 

Leyla dîyar kerd ke sîyasetê dewleta tirkî ke serê şarê Kurdî keno, vera demokrasî yo û va: "Sîyaseto ke dewleta tirkî serê şarê Kurdî de kena, serê esasê rijnayîşê gonî û qirkerdişî yo. Sewbîna mendekerdişê berjewendîyê xo yê îşxalî yo, hêrişê herra Kurdistanî yo û îradeyê şarî yo. Vakurê Kurdistanî de tedayêk pîl serê şarê kurdî de esto û heqê înan yeno binpaykerdiş. Zîndanê tirkîya de bi seyan merdimê sîyasetmedar, welatperwer û rojnemegerî estê. Dewleta tirkî wazena ke komelêk kole bida awankerdene û tu vengê azadî nêkewê vernîya îqtîdarî. Seba ke vernîya vengê azadî bigîro, dewlete sîstemê xo yê xidar aver bena."

 

'Vindertişê Leyla hemverê kerdişê bêhuqûqî de cewabo tewr bi rûmet o'

 

Leyla dewamê qiseykerdişê xo de bale ant serê amancê tepiştişê Hemsereka KCDyî Leyla Guven û wina va: "Tepiştişê Hemsereka Kongreya Komela Demokratîke (KCD) Leyla Guven, ma seke destdergkerdişê serê erjê cinî vînenê. Leyla Guven cinîyêka wayîrê têkoşînî ya û hemverê zulmê serê komelî de rayber a. Cezaya ke Leyla Guven rê ameya birnayene, qerarêk huqûqî nîyo. Dewleta tirkî hêz û têkoşînê cinîyê kurdan ra tersena. Amancê dewleta tirkî oyo ke komelî ci ra qut bikera û cinîyan dewa ra dûr bifîno. Vindertişê Leyla seba nê kerdişan bêhuqûqîyî de cewabo tewr bi rûmet a. Peynî de ma vanê pêro rêxistinê cinîyan hemverê tepiştişê Leyla Guven de bêveng nêmanê. Leyla Guven rûmetê ma pêro cinîyan a."