AMED - Çalakîya grevê vêşanîye ke vera tecrîdê serê Rayberê PKKyî Abdullah Ocalan û binpaykerdişê heqan ê zîndanan amebi destpêkerdene, koma 7ine dewr girewt. Rojbîne Yakuta tepiştî ke bi rayîrê keyeyê xo zanayîş da dîyar kerd ke seba grevê lazimî nêdanê înan û va ke pêwa heme astengîyan heta waştişê înan bica bêrê do çalakîya xo dewam bikerê.

 

Tepişteyê herême û Tirkîya hetê tepişteyê PKKyî û PAJKî ra vera binpaykerdişê heqê tepişteyan û tecrîdê serê Rayberê PKKyî Abdullah Ocalanî 27ê Teşrîna peyêne de grevê vêşanîye bêdem û bidor ame destpêkerdene. Her 5 rojan ra reyke komêke çalakî dewr gêna. Tepişteyî bi rayîrê telefonî xo resnenê keyeyê xo û mesajê xo raya pêroyî rê neql kenê. Nê tepişteyan ra yew zî Rojbîn Yakût a, Rojbîne Zîndanê Hûmara 3 yê Tîpê T yê Bunyanê Kayserî de ya. Rojbîne bi rayîrê telefonî xo resna keyeyê xo û mesajê hîsgêrî û wayîrvejîyayîşî da.

 

Rojbîne serra 2015 de Serêkanî de ameye tepiştene. Nêzdîyê serrêk zîndanê Riha de mende. Uca ra zî surgunê zîndanê Tarsûsî kerdî. Label dimayê serrê û nîm reyna uca ra zî surgunê zîndanê Bunyanî ya Kayserî kerdî. Binpaykerdişê heqê tepişteyan yê Zîndanê Bunyanî yê Kayserî de zî dewam keno. Rojbîne mîyanê 5 serrî de 3 rey tewrê çalakîy agrevê vêşanîye bîya. Nika zî bi destpêkerdişê çalakîya 27ê Teşrîna peyêne de koma yewin de ca girewte.

 

'Heqê ma yê bingeyîn yenê binpaykerdene'

 

Rojbîne qiseykerdişê xo yê bi telefonî ke bi keyeyê xo dir kerd û destpêk de bale ant serê tecrîdê Îmralî û va: "Amancê ma yo ewil yê grevî, wedaritişê tecrîdê serê birêz Ocalanî yo. Ma wazenê tecrîdê serê Serekî werte ra bêro wedaritene û tecrîdê serê tepişteyan wirzo. Sewbîna binpaykerdişê heqê tepişteyan yê sey veşnayîşê înfazan, cezayê dîsîplînî û astengîyê pêvînayîşî bi keyeyan dir yeno kerdene, bêrê wedaritene. Bi cezayê dîsîplînî infazî çend embazanê ma ame veşnayîş û am edergkerdiş. Embazê ma yê ke gerek mengêk bîn bivejîyyaîne, seba ke ame dergkerdene ancax serrêna do vejê. Sewbîna nêdayîşê kitab û rojnameyan. Bi taybetî zî rojnameyê Xwebûn, Yenî Yaşamî nêdanê ma. Rojnameyê Evrenselî zî nêdanê. Bi n hawa heqê ma yê xebergirewtişî asteng kenê. Televîzyon de zî problemê kanalan vejenê. Nê problemê rojane yê. Gama ma vera nê probleman muracat zî kenê, cewab nîno dayene. Netîce de ma heqdar ê, la ê çîyan ma rê meşrû vînenê."

 

'Ma heme tepişteyî binê tecrîdêk de yê'

 

Rojbîne dîyar kerd ke kitab û rojname nênê dayene û wina va: "Reyna wazena serê babeta kitaban de vinderî. Xeylê kitabê ke ma rê yenê destê diyîn ra yenê. Seba ke binê înan xêzkerdeyê nêdanê ma. Kitabê ke zîndanan ra zî yenê nêdanê. Sewbîna kotaya kitaban 10 a, a zî qîmê ma nêkena. Seba ke ma pêro wextê xo biwendiş derbaz kenê. Kitabê goreyê xo kenê kitabxaneyan û vanê înan biwanê. La ma wazenê ke kitabanê xo biwanê. Nê probleman her wext anê ziwan. Tena tîya ney, pêro zîndanan de wina yo. Xor am apêro tepişteyî binê tecrîdek de yê û komelî ra îzole yê. Qet nêbo m abieşkê kitaban biwanê la vera ke waştişê ma bi ca bîyarê, yenê astengkerdene."

 

'Karbonat, şekir, sole bi hawayêk bisîstem nînê dayene'

 

Rojbîne dewam de win va: "Grevê vêşanîye nika hetê îdarekaran ra astengîyêk çin o labelê karbonat nêdanê ma. Netîce de m abi rojan vêşan manen û ganê ma de birînî vejênê. Soda zî nêdanê. Reyan bid zî zaf tay danê. Rojêk danê, rojêk nêdanê. Awa şekire zî wina kenê. Sewbîna faaliyetê ma yê teberî zî sey spor û aktîvîteyê fizîkî zî bi sînor kerdê. Waştişê m , waştişêk nêrê qebulkedene nîyê. Ma zîndanan de komelî ra yenê îzolekerdene. Zanayîşê ma hetê korona ra zî çin o. Pêwa nê ma nêeşkenê vejîyê teber êyê ke vejîyê karantîna r aderbaz benê."

 

'Heta ke waştişê ma qebul nêkerê do çalakîya ma dewam bikera'

 

Rojbîne tewr peyn wina va: "Her ke şino binpaykerdişê heqan zêde beno. Reyna hetê malzemeyê pakitî û hîjyenî de waştişê ma bi ca nêanê. Zîndan de hetê tedbîran de zaf kêmî esto. Waştişê ma, waştişê ke bêrê ca yê. Heta ke waştişê ma nêrê qebulkerdene do çalakîya ma dewam bikera."