Hesna Mihemed

 

ŞEHBA - Mayê pakrewanê azadî yê Kantona Efrînî, derheqê serra newe de hêvî û waştişê xo ardî ziwan û wina vatî: "Ma serra newe de hêvî û waştişanê xo newe kenê ke ma agêrê serê herra xo û no koçberî peynî bibo."

 

Efrînîjê ke seba hêrişê dewleta tirk û hemkarê ci ra koçberê Kantonê Şehbayî bîyê, xoverdayîş xo seba agêrayîşê serê herra xo dewam kenê. Bi 3 serrî welatijê koçberî mîyanê zehmetîyan de cuya xo derbaz kenê. Pêwa nê zehmetîyan zî her wext hêvî û waştişanê xo newe kenê, heta ke biresê xeyalanê xo. Bi ameyîşê serra neweyî 2021 dir mayê pakrewanan yê ke Kantonê Şehbayî de bi ca bîyê, hêvîyê xo ma dir pare kerdî.

 

'Bi serra neweyî dir ma hêvîyê xo newe kenê'

 

Maya pakrewan Dîyar Bakok ke Xoverdayîşê Serdemî de dinyaya xo bedilna, Hêvîn Nesan va ke seba agêrayîşêk azad ciwîyenê û va: "Xoverdayîşê Serdemî de seba pawitişê rûmetê xo, domanê ma ganê xo feda kerdî. Ma nêwaşt ke bi îşxalkerdişê dewleta tirkî dir biciwîyê, coka ma koçber bî. Her serre çimê ma, rayîrê agêrayîşî de yo û hêvîyê ma gane yê. Bi hêvîyê agêrayîşêk bi rûmet û welatêk azad de ma biciwîyê."

 

'Ma bi hêvîyê ke serra newe de koçberî peynî bibo'

 

Maya pakrewan Şîndar Botan ke Xoverdayîşê Serdemî de dinyaya xo bedilnaye, Xandan Ehmed hêvîyê xo serra newe de ard ziwan û wina va: "Serra newe de ma hêvî kenê ke agêrê serê herra xo û gorê domananê xo ko kenê. Bi hîrê serrî yo seba îşxalkerdişê dewleta tirkî ma nêeşkenê şêrê Efrînî û herre, keye û gorê domanê xo dûr kewtî. Ma nêzanê ke nika çi ardê sereyê gorê domananê ma. Bi hêvîya ke no koçberî peynî bibo."