WAN - Yew şaristanê ke tewr zêde cinî bi hawayo guman, dinyaya xo bedilnenê Wan de 13 cinî ameyî qetilkerdene. Rojbîne Bor dîyar kerd ke înan derheqê merdişê bi guman ê cinîyan de cigêrayîş dayî destpêkerdene û wina va: "Seba ke şîdet cinîyan rê yeno kerdene, bi destê komel, keyeyî hewl yeno dayene ke serê ci padê."

 

Serra 2020ine peynî bena, şîdetê ke cinîyan rê yeno kerdene, sebebê ci nînê eşkerakerdene. Vera nê şîdetî, cinîyî her roje têkoşînê xo girs kenê. Cinîyan çarçewaya nê têkoşînî de tewr peyîn bi sloganê, "Wa hewnê şima biremo" dest bi teşîrkerdişê camêrdê ke înan tacîz kenê kerdî. Serra 2020ine de ke polîtîkayê bêcezaverdayîşî yenê bicaardiş. Nê şarsitanan ra tewr zêde cinî bi hawayo ke "bi guman" dinyaya xo bedilnenê Wan o.

 

Endama Komeleya Star Rojbîn Bor derheqê kiştişê cinîyan ke sey, "merdişo bi guman" derbazê qeydan yenê kerdene ser o ercnayîş kerd.

 

'Ma torrêka paştdayîşî ya pîl awan kerd'

 

Rojbîne dîyar kerd ke bi vilabîyayîşê Korona (Covîd -19) dir, dimayê ke kesî keye de ameyî hepskerdene, şîdetê ke cinîyan rê yeno kerdene hîna zêde bi û va, "Bi qasê îmkanê ma destûr dayî, ma keyan de geyrayî û ma şî serdayîşê cinîyan. Xêrcê nê zî cinîyê ke bi rayîrê telefonî muracatê kerdêne û serê medyaya dîjîtalî de xo resnayîne ma zî estbî. Bi îmkanê kêm bê zî, ma bi cinîyan dir torra paştdayîşî awan kerd."

 

'Ma hema nêdîyo wezîfedarê dewlete ceza werdê'

 

Rojbîne dîyar kerd ke şîdet dimayê pakêta newe ya hukmî ke camêrdê ke zîndan ra vejîyayî hîna zêde bi û va: "Bi cezakerdişê kesê ke şîdet înan rê ame kerden, komelî rê mesajê kesê ke şîdet asteng kenê do bêrê cezakerdiş dayî. Musa Orhan bi sebeb ke Îpeke Er întîhar bika. Musa Orhan mesajo ke dewlete pey ey de ya da ma. Musa Orhan bi vatişê xo yê ke Îpeke reê va, 'ti miracatê ça lena bike' eşkera kerd. Ma heta nika nêdîyo wezîfedarê dewlete yê ke şîdet kerdê ameyê cezakerdene."

 

'Derheqê merdişê bi guman de cigêrayîş nîno kerdene'

 

Rojbîne dîyar kerd ke herême de kiştişê cinîyan ê binê nameyê merdişê bi guman de zêde yê û va: "Ma zanê k ekiştişê cinîyan polîtîk o. Ma zanê ke tu întîhar tesaduf nîyo û her întîharêk merdişêko bi guman o. Seba ke şîdeto ke cinîyan rê yeno kerdene, bi destê komel û keye ra wazeno bêro nimtene. Sewbîna derheqê mergê bi guman de zî cigêrayîş kerdene. Seba nê zî merdişê bi guman herême de zêde yo."

 

'Ma her şert û mercan de paştdayîş zêde kerd'

 

Rojbîne tewr peyîn qiseykerdişê xo de zî wina va: "Ma têkoşînê xo de peyser game nêeşt. Ma pêro şert û mercan de pîya têkoşînê xo dewam kerd. Do cinîyêke zî tena nêmano."