ERZIROM - Zîndanê Erziromî yê Tîpa Hyî de 10 tepişteyî dest bi grevê vêşanîye kerdî.

 

Çalakîya grêvê vêşanîye yê bêdem û biagêrayîşî yo ke tepişteyanê PKKyî 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene roja 34ine de bi koma 7ine dewam kena. Zîndanê Erziromî yê Tîpa Hyî de zî 10 tepişteyî dest bi grevê vêşanîye kerdî.

 

Tepişteyê bi nameyê Davut Kamiş, Adem Çallar, Kahraman Varol, Abdulcelîl Taşçi, Fahrettîn Taş, Melîk Polat û 4 tepişteyê bînî yê ke nameyê înan nêame zanayene grevê vêşanîye de yî.