MERKEZÊ XEBERAN - Komîsyonê Edaletî seba yewin serrgera vinîkerdişê Gulîstan Doku vengdayîşê têkoşînê cinîyan kerdî.

 

Serê vinîkerdişê wendekara Ûnîversîteya Mûnzûrî Gulîstan Doku ra serrêk vîyart. Şaristanê ke bi sebebê 'asayîşî' binê ablûqayê polîsan de yo, bi 12 mengî yo tu zanayîşêk Gulîstane ra nîno girewtene. Gulîstane 5ê Çele de 2020î de amebî vinîkerdene.

 

Dimayê ke Gulîstane vinîkerdî, demêk ame îdakerdene ke Gulistane întîhar kerdo û seba ke Gulîstane tewr peyîn serê Pirda Munzurî de amebî vînayene, demêk derg Awbendê Ûzûnçayirî ame cigêrayîş. Pêro muracatê keyeyî zî bêcewab mend, seba kesê ke persê  sey, ‘Gulîstan kamca de ya?' pers kerdî, cipersayîş dayî destpêkerdene. Perskerdişê aye zî sey suc ame vînayene. Hetêk ra zî Zaynal Abarakovo ke tewr peyîn Gulîstane ey dir têkilî dabî ro û keyeyê ey bi hawayêk eşkera ame pawitene. Zaynal Abarakov ameyîne pawitene, la derheqê waya Gulîstane, Aygul Doku de dewa ameye akerdene û cezaya pere aye rê ame birnayene.

 

Seba vînayîşê Gulîstane, Komîsyonê Edaletî zî roja ewil ra kîşte keyeyê Gulîstane de ca girewt. Komîsyonê Edaletî ke seba Gulîstane bêro vînayene, mîyanê hewldayîşî de yo do 5ê Çele de seba Gulîstane dest bi çalakîyan bikero û tarîxê çalakîyan serê medyaya dîjîtale de pare kerd.

 

Tarîxê çalakîyê ke do bêrê kerdene wina yê:

 

 * Dêrsim, Meydanê Seyît Riza: 12.00

 

* Edene, Parkê Peykerî : 18.00

 

* Îzmir, hemverê Bankayê Halk Alsancak: 17.30

 

* Stenbol, hemverê Opereyê Sureyya Kadikoy: 18.00

 

* Amed, Ofîs: 12.30

 

* Dîlok, Awanîya KESKî: 13.00

 

* Bursa, Meydanê Fomarî: 18.00

 

* Antalya, Hemverê Peykerê Attalos: 12.00